MIŠVIKUDAGUR 28. SEPTEMBER NŻJAST 08:10

Ęgir Jarl skoraši tvö žegar Fjölnir varši bikarmeistaratitilinn

SPORT

Nįgranni sagši mömmu Hinriks frį žvķ aš hann hefši veriš skotinn

 
Innlent
19:40 11. SEPTEMBER 2012

Amma Kristjáns Hinriks Þórssonar sem skotinn var til bana í Tulsa í Bandaríkjunum aðfaranótt laugardags segja hann hafa verið einstaklega ljúfan, listrænan dreng sem stundum hafi verið óöruggur með sjálfan sig. Morðingjans er enn leitað.

Það var aðfaranótt laugardags sem hinn átján ára gamli Kristján Hinrik Þórsson var myrtur en hann var farþegi í bíl hjá félaga sínum og átti skotárásin sér stað á bílastæði fyrir utan verslun.

Hinrik, eins og hann var alltaf kallaður,var úrskurðaður látinn strax og sjúkraflutningamenn komu á vettvang en félaginn var færður alvarlega slasaður á sjúkrahús. Hann lést síðan í gær.

Fjölmiðlar vestanhafs hafa sýnt málinu mikinn áhuga og í gær birtist viðtal við ömmu Hinriks á fréttastöðinni News on 6.

Hún segist hafa heyrt í mömmu Hinriks sem hafði áhyggjur af því að hafa ekki heyrt frá drengnum á laugardagskvöldið.

„Ég hafði ónotatilfinningu og hringdi. Hún sagðist ætla að hitta mig heima hjá mér. Í millitíðinni hafði hún komið við heima hjá honum og nágranni tjáði henni að hann hefði verið skotinn," segir Helena Mawby, amma Hinriks.

Það hlýtur að vera erfitt að komast að þessu með þessum hætti?

„Við vissum ekki að Hinrik hafi verið annar þeirra fyrr en við hringdum í lögregluna. Hinrik var ekki með nein persónuskilríki á sér. Þeir spurðu okkur hvort að sonur okkar væri með fæðingarblett. Hann var með stóran fæðingarblett á fætinum."

Öll fjölskyldan er enn í áfalli á meðan hún skipulegggur útförina.

„Hann var mjög listrænn og góður teiknari. Hann hafði gaman af því að yrkja ljóð. Hann var afar óöruggur af því að hann stamaði. Honum fannst fólk gera gys að sér sem var ekki rétt.

Var hann feiminn út af þessu?

„Já, hann var feiminn. Hann átti það til að lenda í vandræðum en var samt einn ljúfasti og elskulegasti drengur sem maður gat hugsað sér."

Lögreglan í Tulsa leitar enn morðingjans.


Deila
Athugiš. Allar athugasemdir eru į įbyrgš žeirra er žęr rita. Vķsir hvetur lesendur til aš halda sig viš mįlefnalega umręšu. Einnig įskilur Vķsir sér rétt til aš fjarlęgja ęrumeišandi eša ósęmilegar athugasemdir og ummęli žeirra sem tjį sig ekki undir eigin nafni.

 

MEST LESIŠ

  • Nżjast į Vķsi
  • Mest Lesiš
  • Fréttir
  • Sport
  • Višskipti
  • Lķfiš
Forsķša / Fréttir / Innlent / Nįgranni sagši mömmu Hinriks frį žvķ aš hann hefši veriš skotinn
Fara efst