Sport

Myndir af heimsmeisturum dagsins á HM í frjálsum í Peking

Óskar Ófeigur Jónsson skrifar
Yarisley Silva fer hér yfir 4,90 metra og tryggir sér gullið.
Yarisley Silva fer hér yfir 4,90 metra og tryggir sér gullið. Vísir/Getty
Fimmti keppnisdagurinn á heimsmeistaramótinu í frjálsum íþróttum í Peking í Kína fór fram í dag og það voru krýndir fimm heimsmeistarar á mótinu í dag.

Fjórar þjóðir eignuðust gullverðlaunahafa eftir keppni dagsins og alls fékk íþróttafólk frá tólf þjóðum verðlaun í þessum fimm greinum.

Keníumenn fengu flest gull í dag (2) og var svo þriðja daginn í röð. Bandaríkjamenn fengu hinsvegar flest verðlaun (3) á þessum fimmta degi einkum þökk sé því að bandarísku stelpurnar tóku bæði silfur og brons í 400 metra grindarhlaupi kvenna.

Eftir fyrstu þrjá dagana hafa Keníumenn unnið flest gullverðlaun á mótinu (6) sem og flest verðlaun (11). Bretar hafa unnið næstflest gull eða þrjú og Bandaríkjamenn hafa fengið næstflest verðlaun eða átta.

Hér fyrir neðan má sjá bæði úrslitin í dag sem og myndir af nýju heimsmeisturunum.

Heimsmeistarar miðvikudaginn 26. ágúst 2015

400 metra grindarhlaup kvenna

Gull: Zuzana Hejnová, Tékklandi 53,50 sekúndur

Silfur: Shamier Little, Bandaríkjunum 53,94 sekúndur

Brons: Cassandra Tate, Bandaríkjunum 54,02 sekúndur

Spjótkast karla

Gull: Julius Yego, Keníu 92,72 metrar

Silfur: Ihab El-Sayed, Egyptalandi 88,99 metrar

Brons: Tero Pitkämäki, Finnlandi 87,41 metri

3000 metra hindrunarhlaup kvenna

Gull: Hyvin Kiyeng Jepkemoi, Keníu 9:19.11 mínútur

Silfur: Habiba Ghribi, Túnis 9:19.24 mínútur

Brons: Gesa Felicitas Krause, Þýskalandi 9:19.25 mínútur

Stangarstökk kvenna

Gull: Yarisley Silva, Kúbu 4,90 metrar

Silfur: Fabiana Murer, Brasilíu 4,85 metrar

Brons: Nikoleta Kyriakopoulou, Grikklandi 4,80 metrar

400 metra hlaup karla

Gull: Wayde van Niekerk, Suður-Afríku 43,48 sekúndur

Silfur: LaShawn Merritt, Bandaríkjunum 43,65 sekúndur

Brons: Kirani James, Grenada 43,78 sekúndur

Zuzana Hejnová frá Tékklandi vann 400 metra grindarhlaup kvenna.Vísir/Getty
Julius Yego frá Keníu vann gullið eftir að hafa náð einu lengsta kasti sögunnar í spjótkasti karla.Vísir/Getty
Hyvin Kiyeng Jepkemoi frá Keníu var eitt stórt bros eftir sigurinn í 3000 metra hindrunarhlaupi.Vísir/Getty
Yarisley Silva frá Kúbu vann stangarstökk kvenna.Vísir/Getty
Wayde van Niekerk frá Suður-Afríku vann 400 metra hlaup karla en þurfti að fara á sjúkrahús eftir hlaupið.Vísir/Getty
Zuzana Hejnová með gullið sitt.Vísir/Getty
Sigurhringur Hyvin Kiyeng Jepkemoi.Vísir/Getty
Julius Yego hafði ástæðu til að brosa.Vísir/Getty

Tengdar fréttir




Fleiri fréttir

Sjá meira


×