Erlent

Myndband birt af háskalendingu Harrison Ford

atli ísleifsson skrifar
Ford lenti vél sinni fyrir á akbraut í stað eiginlegrar flugbrautar.
Ford lenti vél sinni fyrir á akbraut í stað eiginlegrar flugbrautar.
Búið er að birta myndband af umdeildri lendingu stórleikarans Harrison Ford á Husky-flugvél sinni á John Wayne-flugvellinum í Kaliforníu í síðustu viku.

Ford þykir hafa flogið allt of nærri farþegavél American Airlines með 116 manns innanborðs, en hann lenti vél sinni fyrir mistök á akbraut í stað eiginlegrar flugbrautar.

Ford, sem er 74 ára gamall, mun hafa sagt: „Á þessi farþegaflugvél að vera undir mér?“ við flugumferðarstjóra flugvallarins.

Það að lenda á akbraut, brautum sem flugvélar aka eftir til að komast á flugbrautir, er brot á flugumferðarreglum Bandaríkjanna. Mögulegar refsingar eru viðvörun eða flugleyfi Ford gæti verið tekið af honum.

Sjá má myndband af atvikinu að neðan.

Harrison Ford safnar flugvélum og er reynslumikill flugmaður. Árið 2000 flaug hann göngumanni sem þjáðist af vökvaskorti á sjúkrahús og árið 2001 fann hann 13 ára skáta sem var týndur í Yellowstone þjóðgarðinum.

Í mars 2015 brotlenti hann á golfvelli í Kaliforníu og fótbrotnaði.


Tengdar fréttir




Fleiri fréttir

Sjá meira


×