Myndband: Himalaya-fjöll eins og þú hefur aldrei séð þau áður

Kvikmyndagerðarmenn við Teton Gravity Research stofnunina hafa birt fyrsta myndbandið frá Himalaya-fjöllum sem tekið er í háskerpu úr meira en 6.000 metra hæð.

Myndbandið er tekið með GSS C520 myndavél sem fest var við þyrlu sem tók á loft frá nepölsku höfuðborginni Kathmandu. Myndirnar eru teknar á hæð á bilinu 1.500 metra til 7.400 metra yfir sjávarmál.

Myndirnar eru einhverjar bestu loftmyndir frá Himalaya-fjöllum sem birtar hafa verið þar sem má meðal annars sjá tinda hæsta fjalls heims, Everest-fjalls, auk Ama Dablam og Lhotse.

Sjón er sögu ríkari.

The Himalayas from 20,000 ft. from Teton Gravity Research on Vimeo.