Erlent

Munu reyna að klóna loðfíl

Vísindmennirnir munu notast við kjarnsýru úr loðfíl sem hafði legið í sífreri í Síberíu.
Vísindmennirnir munu notast við kjarnsýru úr loðfíl sem hafði legið í sífreri í Síberíu. mynd/AP
Vísindamenn frá Suður-Kóreu og Rússlandi munu reyna að klóna lóðfíl. Samstarfið var innsiglað í dag og vonast vísindamennirnir til að endurvekja þessa risavöxnu skepnu sem var uppi fyrir 10.000 árum.

Það eru vísindamennirnir Vasily Vasiliev og Hwang Woo-Suk sem stjórna verkefninu. Woo-Suk er afar umdeildur vísindamaður en hann hefur áður klónað hunda, ketti og úlfa. Árið 2004 tilkynnti hann að klónun á mennskum stofnfrumum hefði tekist. Rannsóknarniðurstöður Woo-Suk reyndust þó vera falskar.

Vasily Vasiliev og Hwang Woo-Suk innsigla samstarfið.mynd/AFP
Vísindmennirnir munu notast við kjarnsýru úr loðfíl sem hafði legið í sífreri í Síberíu. Erfðaefninu verður komið fyrir í eggfrumu fíls. Ef allt fer að óskum mun fósturvísir myndast sem síðan verður færður í móðurkvið fíls.

„Erfiðast verður að mynda frumur loðfílsins," sagði Woo-Suk. „Ég er þó sannfærður um að það sé mögulegt."



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið