Munu ekki stöðva samruna við 365 og Konunglega kvikmyndafélagsins

Samkeppniseftirlitið hyggst ekki hafa afskipti af samruna 365 miðla og Konunglega kvikmyndafélagsins, sem rak Miklagarð og Bravó.

Þetta kemur fram í úrskurði Samkeppniseftirlitsins sem birtur var í gær. Eftirlitið segir að samruninn muni ekki hafa skaðleg áhrif á samkeppni, fjölræði og fjölbreytni í fjölmiðlum.

Í úrskurðinum segir að tekjur Konunglega kvikmyndafélagsins hafi gefið til kynna að hlutdeild félagsins á fjölmiðlamarkaði væri vart merkjanleg.