Enski boltinn

Mourinho sendi Ranieri stuðningskveðju á Instagram

Henry Birgir Gunnarsson skrifar
Þeir eru margir sem syrgja örlög Ítalans Claudio Ranieri hjá Leicester City og einn þeirra er Jose Mourinho, stjóri Man. Utd.

Ranieri var rekinn í gær þó svo honum hefði tekist hið ómögulega á síðustu leiktíð. Að gera lið Leicester að Englandsmeisturum.

„Meistari á Englandi og þjálfari ársins hjá FIFA. Rekinn. Svona er nýi fótboltinn Claudio. Haltu áfram að brosa félagi. Það getur enginn strokað yfir þann árangur sem þú náðir,“ skrifaði Mourinho til kollega síns.

Mourinho þekkir þessa stöðu sjálfur mjög vel en hann var rekinn frá Chelsea tímabilið eftir að hann gerði Chelsea að meisturum árið 2014.

Mourinho var rekinn fyrr eða í desember. Þá var hann einmitt nýbúinn að tapa gegn Ranieri og Leicester City.


Tengdar fréttir

Ranieri rekinn

Breskir fjölmiðlar greina frá því að Leicester City sé búið að reka knattspyrnustjórann Claudio Ranieri.




Fleiri fréttir

Sjá meira


×