Enski boltinn

Mourinho með augastað á miðjumanni Nice

Kristinn Páll Teitsson skrifar
Seri í leik með Nice í vetur.
Seri í leik með Nice í vetur. Vísir/getty
Enskir miðlar slá því upp um helgina að Manchester United sé með augastað á Jean-Michael Seri, miðjumanni Nice og að honum sé ætlað að leysa Michael Carrick af hólmi.

Seri hefur einnig verið orðaður við Chelsea, Manchester City og Liverpool í þessum mánuði en hann var nálægt því að ganga til liðs við Barcelona síðastliðið sumar.

Börsungar voru búnir að semja um kaupverðið en hættu við á síðustu stundu til að einblína á Philippe Coutinho og Ousmane Dembélé.

Seri sem á 18 mánuði eftir af samningi sínum í Frakklandi er með ákvæði í samningnum sem segir að félagið geti ekki hafnað komi tilboð upp á 35 milljónir punda.

Hinn 36 árs gamli Carrick gaf það út í gær að þetta yrði síðasta tímabil hans en hann hefur aðeins leikið einn leik í vetur eftir erfið veikindi.




Fleiri fréttir

Sjá meira


×