Mourinho, Ronaldo og fleiri ásakaðir um að svíkjast undan skatti

Þýski miðillinn Der Spiegel birtir í dag grein sem segir frá því að Cristiano Ronaldo, Jose Mourinho, Mesut Özil og fleiri heimsþekktir knattspyrnumenn séu meðal leikmanna sem komi fram í skjölum um leikmenn sem notist við skattskjól til að fela auðæfi sín.

Tólf fjölmiðlar víðsvegar um heiminn hafa unnið í þessu máli undanfarnar vikur en fjölmiðlarnir eru alls með 18,6 milljónir skjala sér til rökstuðnings.

Kemur nafn umboðsmanns Ronaldo og Mourinho, Jorge Mendes, ítrekað fyrir í skjölunum en honum er gefið að sök að hafa aðstoðað skjólstæðinga sína að fela auðæfi sín víðsvegar um heiminn í ýmsum skattaskjólum.

Er sagt að Ronaldo hafi millifært 63,5 milljónir evrra til bresku Jómfrúeyjanna árið 2014 ellefu dögum áður en sett voru ný lög um skatt á Spáni.

Rannsóknin hefur tekið alls sjö mánuði en rúmlega sextíu blaðamenn víðsvegar um Evrópu tóku þátt í rannsókninni.

Gestifute, umboðsskrifstofa Jorge Mendes, hefur hafnað þessum ásökunum.

#Özil, #Ronaldo und Co: #Footballleaks enthüllt schmutzige Geschäfte im Profifußball https://t.co/m0WNKd1UKa

— DER SPIEGEL (@DerSPIEGEL) December 2, 2016