Milliskattþrepið afnumið í áföngum og skattar lækkaðir Heimir Már Pétursson skrifar 29. maí 2015 13:24 Fjármálaráðherra segir að tekist hafi að ná mildri lendingu í kjaramálum miðað við það sem stefndi í. Forsætisráðherra segir samningana setja nokkur þrýsting á verðbólgu. vísir/gva Milliskattþrepið í staðgreiðslukerfinu verður lagt niður og skattprósentan í neðra þrepinu lækkuð til að bæta kjör millitekjufólks samkvæmt yfirlýsingu ríkisstjórnarinnar í tengslum við gerð kjarasamninga. Þá mun ríkið koma að byggingu 2.300 félagslegra íbúða á næstu fjórum árum og húsaleigubætur verða hækkaðar. Sigmundur Davíð Gunnlaugsson forsætisráðherra, Bjarni Benediktsson fjármálaráðherra og Eygló Harðardóttir félagsmálaráðherra kynntu aðgerðir ríkisstjórnarinnar í ellefu liðum í tengslum við kjarasamninga á fréttamannafundi í morgun. Forsætisráðherra sagði almenna kjarasamninga miða að því að bæta kjör þeirra lægst launuðu en aðgerðir ríkisstjórnarinnar miði að því að bæta kjör militekjufólks. Skattkerfisbreytingarnar og breytingar í húsnæðiskerfinu muni líka koma þeim lægst launuðu til góða. Ríkisstjórnin telur að ráðstöfunartekjur 65 prósent fullvinnandi manna muni aukast um 50 þúsund krónur eða meira og ráðstöfunartekjur meðaltekjufólks um 100 þúsund krónur á ári þegar skattkerfisbreytingarnar verða að fullu komnar til framkvæmda árið 2017 og kosta ríkissjóð um 16 milljarða að meðtöldum lækkunum sem voru í fjárlögum þessa árs. Töluverðar breytingar verða gerðar á húsnæðiskerfinu að sögn félagsmálaráðherra. „Ég held að það sé óhætt að fullyrða hér að við höfum ekki tekið jafn stór skref sem tengist uppbyggingu félagslegs húsnæðiskerfis hér á Íslandi í í 50 ár. Þá var farið í mikið átak. Við erum að gera enn betur núna,“ sagði Eygló. En þarna vísar félagsmálaráðherra til uppbyggingar í Breiðholti sem samið var um í kjarasamningum fyrir fimmtíu árum þegar þúsund íbúðir voru byggðar þar. Nú eigi að byggja 2.300 íbúðir á næstu fjórum árum og auka svigrúm fólk með lægstu launin til að verða sér út um félagslegt húsnæði. Þá verða húsaleigubætur hækkaðar, byggingarreglugerðum breytt til að lækka byggingarkostnað og skattlagning á einstaklinga sem leigja út húsnæði lækkuð. Húsnæðisfrumvörpin verða lögð fram á næstu dögum en önnur frumvörp verða lögð fram á haustþingi. Milliþrepið í staðgreiðslunni verður afnumið í áföngum á árunum 2016 og 2017 og viðmiðunarmörk beggja skattþrepa sem eftir standa lækkuð. Samningarnir skapa nokkurn verðbólguþrýsting Forsætisráðherra segir þá kjarasamninga sem undirritaðir verða í dag skapa nokkurn þrýsting á verðlag og vexti. „Við skulum segja að það sé verið að tefla á tæpasta vað varðandi verðbólguþrýsting með þessu. En ef okkur unast að auka verðmætasköpun í landinu sem allar forsendur eru að skapast fyrir á þetta ekki að þurfa að raska efnahagslegum stöðugleika verulega og þessar launahækaknir eiga að getað skilað sér að langmestu leyti í auknum kaupmætti,“ segir Sigmundur Davíð. Fjármálaráðherra segir þá yfirlýsingu sem ríkisstjórnin gefur nú út einnig koma opinberum starfsmönnum sem enn eiga eftir ósamið til góða. „Það er mikill skaði að við skulum ekki hafa náð utanum allar vinnudeilur fram til þessa. Það stefnir í samninga á almenna markaðnum. Því miður erum við ekki búin að ná saman samningum á opinbera markaðnum. En það breytir því ekki að þessi yfirlýsing er núna gefin út og hún mun standa. Það er enginn vafi á því að hún mun koma þeim sem þar eru að semja til góða með sama hætti og gildir á almenna markaðnum,“ segir Bjarni. Þá telur fjármálaráðherra að samningarnir sem undirritaðir verða í dag muni leggja línurnar fyrir þá samninga sem eftir eigi að gera. „Það er alveg ljóst að það gilda ekkert önnur lögmál fyrir opinbera starfsmenn þegar kemur að því að meta svigrúmið sem er í hagkerfinu. Ég tek undir með forsætisráðherra þegar hann segir að ljóst sé að verið sé að gera samninga sem munu setja aukinnverðbólguþrýsting á kerfið. En þó verð ég að segja að þetta er í raun og veru mild lending miðað við það sem manni sýndist stefna í lengi framan af. Ég bendi á að til þess að taka tillit til þess að hér er verið að semja um tiltölulega framhlaðna samninga á almenna markaðnum að þá dreifum við okkar aðgerðum á tveggja ára tímabil. Við látum þetta ekki allt koma til framkvæmda á sama tíma og mestu hækkanirnar eru að eiga sér stað,“ segir Bjarni Benediktsson. Mest lesið Steinunn Ólína skýtur föstum skotum á Katrínu Innlent Skipulögðu árásir í Þýskalandi og víðar í nafni ISKP Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Ætlaði að koma upp um barnaníðing en lenti í klóm hans Innlent „Dapurlegt“ að andstæðingar bólusetninga hafi svo mikil áhrif Innlent Vilja taka upp auðlindagjald að hætti Norðmanna Innlent Eigendur sjókvíaeldis þurfa ekki að greiða auðlindagjald Innlent Segir lág laun leikskólakennara mýtu Innlent Kínversk ferðaskrifstofa mátti sín lítils gegn TM Innlent Fleiri fréttir Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Kínversk ferðaskrifstofa mátti sín lítils gegn TM Komu litlum fiskibáti til bjargar Þyrlan í loftið vegna slasaðs vélsleðamanns Ætlaði að koma upp um barnaníðing en lenti í klóm hans Alvarlegt umferðarslys í Eyjafirði Segir lág laun leikskólakennara mýtu Alltof mörg börn misstu af bólusetningu við mislingum Leyfisveitingin ekki brot á EES-samningnum Með 19 þúsund MDMA-töflur í ferðatöskunni Hafi líka reynt að bana eldri syni sínum Steinunn Ólína segir landráðamál í uppsiglingu Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Alls konar fabúleringar um vinskapinn við Bjarna Ben Lætur staðar numið í pólitíkinni Mikill reykur þegar kviknaði í einangrunarplasti Leikskólakennarar ósáttir við vettlingagjörning Sjá meira
Milliskattþrepið í staðgreiðslukerfinu verður lagt niður og skattprósentan í neðra þrepinu lækkuð til að bæta kjör millitekjufólks samkvæmt yfirlýsingu ríkisstjórnarinnar í tengslum við gerð kjarasamninga. Þá mun ríkið koma að byggingu 2.300 félagslegra íbúða á næstu fjórum árum og húsaleigubætur verða hækkaðar. Sigmundur Davíð Gunnlaugsson forsætisráðherra, Bjarni Benediktsson fjármálaráðherra og Eygló Harðardóttir félagsmálaráðherra kynntu aðgerðir ríkisstjórnarinnar í ellefu liðum í tengslum við kjarasamninga á fréttamannafundi í morgun. Forsætisráðherra sagði almenna kjarasamninga miða að því að bæta kjör þeirra lægst launuðu en aðgerðir ríkisstjórnarinnar miði að því að bæta kjör militekjufólks. Skattkerfisbreytingarnar og breytingar í húsnæðiskerfinu muni líka koma þeim lægst launuðu til góða. Ríkisstjórnin telur að ráðstöfunartekjur 65 prósent fullvinnandi manna muni aukast um 50 þúsund krónur eða meira og ráðstöfunartekjur meðaltekjufólks um 100 þúsund krónur á ári þegar skattkerfisbreytingarnar verða að fullu komnar til framkvæmda árið 2017 og kosta ríkissjóð um 16 milljarða að meðtöldum lækkunum sem voru í fjárlögum þessa árs. Töluverðar breytingar verða gerðar á húsnæðiskerfinu að sögn félagsmálaráðherra. „Ég held að það sé óhætt að fullyrða hér að við höfum ekki tekið jafn stór skref sem tengist uppbyggingu félagslegs húsnæðiskerfis hér á Íslandi í í 50 ár. Þá var farið í mikið átak. Við erum að gera enn betur núna,“ sagði Eygló. En þarna vísar félagsmálaráðherra til uppbyggingar í Breiðholti sem samið var um í kjarasamningum fyrir fimmtíu árum þegar þúsund íbúðir voru byggðar þar. Nú eigi að byggja 2.300 íbúðir á næstu fjórum árum og auka svigrúm fólk með lægstu launin til að verða sér út um félagslegt húsnæði. Þá verða húsaleigubætur hækkaðar, byggingarreglugerðum breytt til að lækka byggingarkostnað og skattlagning á einstaklinga sem leigja út húsnæði lækkuð. Húsnæðisfrumvörpin verða lögð fram á næstu dögum en önnur frumvörp verða lögð fram á haustþingi. Milliþrepið í staðgreiðslunni verður afnumið í áföngum á árunum 2016 og 2017 og viðmiðunarmörk beggja skattþrepa sem eftir standa lækkuð. Samningarnir skapa nokkurn verðbólguþrýsting Forsætisráðherra segir þá kjarasamninga sem undirritaðir verða í dag skapa nokkurn þrýsting á verðlag og vexti. „Við skulum segja að það sé verið að tefla á tæpasta vað varðandi verðbólguþrýsting með þessu. En ef okkur unast að auka verðmætasköpun í landinu sem allar forsendur eru að skapast fyrir á þetta ekki að þurfa að raska efnahagslegum stöðugleika verulega og þessar launahækaknir eiga að getað skilað sér að langmestu leyti í auknum kaupmætti,“ segir Sigmundur Davíð. Fjármálaráðherra segir þá yfirlýsingu sem ríkisstjórnin gefur nú út einnig koma opinberum starfsmönnum sem enn eiga eftir ósamið til góða. „Það er mikill skaði að við skulum ekki hafa náð utanum allar vinnudeilur fram til þessa. Það stefnir í samninga á almenna markaðnum. Því miður erum við ekki búin að ná saman samningum á opinbera markaðnum. En það breytir því ekki að þessi yfirlýsing er núna gefin út og hún mun standa. Það er enginn vafi á því að hún mun koma þeim sem þar eru að semja til góða með sama hætti og gildir á almenna markaðnum,“ segir Bjarni. Þá telur fjármálaráðherra að samningarnir sem undirritaðir verða í dag muni leggja línurnar fyrir þá samninga sem eftir eigi að gera. „Það er alveg ljóst að það gilda ekkert önnur lögmál fyrir opinbera starfsmenn þegar kemur að því að meta svigrúmið sem er í hagkerfinu. Ég tek undir með forsætisráðherra þegar hann segir að ljóst sé að verið sé að gera samninga sem munu setja aukinnverðbólguþrýsting á kerfið. En þó verð ég að segja að þetta er í raun og veru mild lending miðað við það sem manni sýndist stefna í lengi framan af. Ég bendi á að til þess að taka tillit til þess að hér er verið að semja um tiltölulega framhlaðna samninga á almenna markaðnum að þá dreifum við okkar aðgerðum á tveggja ára tímabil. Við látum þetta ekki allt koma til framkvæmda á sama tíma og mestu hækkanirnar eru að eiga sér stað,“ segir Bjarni Benediktsson.
Mest lesið Steinunn Ólína skýtur föstum skotum á Katrínu Innlent Skipulögðu árásir í Þýskalandi og víðar í nafni ISKP Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Ætlaði að koma upp um barnaníðing en lenti í klóm hans Innlent „Dapurlegt“ að andstæðingar bólusetninga hafi svo mikil áhrif Innlent Vilja taka upp auðlindagjald að hætti Norðmanna Innlent Eigendur sjókvíaeldis þurfa ekki að greiða auðlindagjald Innlent Segir lág laun leikskólakennara mýtu Innlent Kínversk ferðaskrifstofa mátti sín lítils gegn TM Innlent Fleiri fréttir Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Kínversk ferðaskrifstofa mátti sín lítils gegn TM Komu litlum fiskibáti til bjargar Þyrlan í loftið vegna slasaðs vélsleðamanns Ætlaði að koma upp um barnaníðing en lenti í klóm hans Alvarlegt umferðarslys í Eyjafirði Segir lág laun leikskólakennara mýtu Alltof mörg börn misstu af bólusetningu við mislingum Leyfisveitingin ekki brot á EES-samningnum Með 19 þúsund MDMA-töflur í ferðatöskunni Hafi líka reynt að bana eldri syni sínum Steinunn Ólína segir landráðamál í uppsiglingu Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Alls konar fabúleringar um vinskapinn við Bjarna Ben Lætur staðar numið í pólitíkinni Mikill reykur þegar kviknaði í einangrunarplasti Leikskólakennarar ósáttir við vettlingagjörning Sjá meira