Mikilvægt að við skoðum aftur fyrir okkur Gunnþóra Gunnarsdóttir skrifar 22. júlí 2016 10:30 Með sýningunni í Ólafsdal kveðst Guðrún vilja gera formæðrum sínum hátt undir höfði án þess að fella yfir þeim dóma eða veita verðlaun. Mynd/Einar Bergmundur Langamma mín kom úr Dölunum og þegar ég fór að skoða betur kvenlegginn minn, móður – móður – móður, allt aftur til 1685, komst ég að því að þær höfðu allar búið þar á tiltölulega litlu landsvæði. Ég er búin að fara á þá staði og þefa, skoða og líta í kringum mig. Reyndi að finna út hvernig lífi þær lifðu og það hratt mér út í að mála af þeim myndir,“ segir Guðrún Tryggvadóttir myndlistarkona sem opnar sýningu í gamla skólahúsinu í Ólafsdal, fyrir botni Gilsfjarðar, á morgun. „Flestar ömmur mínar voru í Kvennabrekkusókn en líka á Skarðsströndinni sem er skammt frá Ólafsdal. Því fannst mér upplagt að láta þær hittast þar og horfast í augu,“ segir Guðrún og heldur áfram. „Ólafsdalur er svolítið úr leið eftir að Gilsfjarðarbrúin var byggð en hann er alger perla. Þar er búið að vinna gott starf við að gera upp gamla skólahúsið, innvolsið er óbreytt og panillinn er í yndislegum litum. Að vinna að myndlist þar veitti mér innblástur.“ Guðrún býr á Alviðru í Ölfusi, við rætur Ingólfsfjalls, á móti Þrastarlundi. Hún og maður hennar halda utan um vefinn nattura.is en hún er líka myndlistarmaður og hefur lagt rækt við þann þátt í auknum mæli síðustu ár. Málverkin sem hún gerði af formæðrum sínum eru frekar stór. „Ég málaði þær eins og ég sé þær fyrir mér, eftir að hafa farið í gegnum þau litlu gögn sem ég hafði. Það eru nokkrar setningar skrifaðar um sumar, ekkert um aðrar, eins og títt er um fyrri tíðar konur. En ég sé í Íslendingabók hvenær þær byrjuðu að eignast börn, hversu mörg börn þær fæddu og hve mörg komust upp.“ Ekki segir Guðrún túlkun sína yfirnáttúrulega á nokkurn hátt en andinn hafi virkilega komið yfir hana af því að kafa ofan í þetta efni án þess þó að setja líf kvennanna inn í einhverja fornöld. „Okkur hættir til að sjá allt í svarthvítu sem er horfið okkur en þetta voru konur af holdi og blóði sem áttu lífsferil eins og við og höfðu liti náttúrunnar í kringum sig. Þær þurftu að sinna heimilum og setja mat á borð – og það erum við enn að fást við þó við eigum ekki tólf börn í torfkofa. Ekki höfðu þær mikið á milli handanna en ég vil með sýningunni gera þeim hátt undir höfði án þess að fella yfir þeim dóma eða veita verðlaun. Mér finnst mikilvægt að við skoðum aftur fyrir okkur öðru hvoru í stað þess að finnast við sjálf merkilegri en allt.“Greinin birtist fyrst í Fréttablaðinu 22. júlí 2016. Menning Mest lesið Talin ólíklegust til að komast áfram Lífið Bauð öllum bæjarbúum í matarboð Lífið „Æskuheimilið hans er bara rústir“ Lífið Vítalía og Arnar Grant í kossaflensi Lífið „Vildi greinilega ekki að einhver úr fjölskyldunni kæmi að honum“ Lífið „Ekki lengur þræll þess að finnast ég ekki nóg“ Lífið Myndavél frá afa algjör fjársjóður Tíska og hönnun Samantha Davis er látin Lífið Gult og glæsilegt einbýlishús Sölva til sölu Lífið Margrét Ýr og Reynir nýtt par Lífið Fleiri fréttir Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Sjá meira
Langamma mín kom úr Dölunum og þegar ég fór að skoða betur kvenlegginn minn, móður – móður – móður, allt aftur til 1685, komst ég að því að þær höfðu allar búið þar á tiltölulega litlu landsvæði. Ég er búin að fara á þá staði og þefa, skoða og líta í kringum mig. Reyndi að finna út hvernig lífi þær lifðu og það hratt mér út í að mála af þeim myndir,“ segir Guðrún Tryggvadóttir myndlistarkona sem opnar sýningu í gamla skólahúsinu í Ólafsdal, fyrir botni Gilsfjarðar, á morgun. „Flestar ömmur mínar voru í Kvennabrekkusókn en líka á Skarðsströndinni sem er skammt frá Ólafsdal. Því fannst mér upplagt að láta þær hittast þar og horfast í augu,“ segir Guðrún og heldur áfram. „Ólafsdalur er svolítið úr leið eftir að Gilsfjarðarbrúin var byggð en hann er alger perla. Þar er búið að vinna gott starf við að gera upp gamla skólahúsið, innvolsið er óbreytt og panillinn er í yndislegum litum. Að vinna að myndlist þar veitti mér innblástur.“ Guðrún býr á Alviðru í Ölfusi, við rætur Ingólfsfjalls, á móti Þrastarlundi. Hún og maður hennar halda utan um vefinn nattura.is en hún er líka myndlistarmaður og hefur lagt rækt við þann þátt í auknum mæli síðustu ár. Málverkin sem hún gerði af formæðrum sínum eru frekar stór. „Ég málaði þær eins og ég sé þær fyrir mér, eftir að hafa farið í gegnum þau litlu gögn sem ég hafði. Það eru nokkrar setningar skrifaðar um sumar, ekkert um aðrar, eins og títt er um fyrri tíðar konur. En ég sé í Íslendingabók hvenær þær byrjuðu að eignast börn, hversu mörg börn þær fæddu og hve mörg komust upp.“ Ekki segir Guðrún túlkun sína yfirnáttúrulega á nokkurn hátt en andinn hafi virkilega komið yfir hana af því að kafa ofan í þetta efni án þess þó að setja líf kvennanna inn í einhverja fornöld. „Okkur hættir til að sjá allt í svarthvítu sem er horfið okkur en þetta voru konur af holdi og blóði sem áttu lífsferil eins og við og höfðu liti náttúrunnar í kringum sig. Þær þurftu að sinna heimilum og setja mat á borð – og það erum við enn að fást við þó við eigum ekki tólf börn í torfkofa. Ekki höfðu þær mikið á milli handanna en ég vil með sýningunni gera þeim hátt undir höfði án þess að fella yfir þeim dóma eða veita verðlaun. Mér finnst mikilvægt að við skoðum aftur fyrir okkur öðru hvoru í stað þess að finnast við sjálf merkilegri en allt.“Greinin birtist fyrst í Fréttablaðinu 22. júlí 2016.
Menning Mest lesið Talin ólíklegust til að komast áfram Lífið Bauð öllum bæjarbúum í matarboð Lífið „Æskuheimilið hans er bara rústir“ Lífið Vítalía og Arnar Grant í kossaflensi Lífið „Vildi greinilega ekki að einhver úr fjölskyldunni kæmi að honum“ Lífið „Ekki lengur þræll þess að finnast ég ekki nóg“ Lífið Myndavél frá afa algjör fjársjóður Tíska og hönnun Samantha Davis er látin Lífið Gult og glæsilegt einbýlishús Sölva til sölu Lífið Margrét Ýr og Reynir nýtt par Lífið Fleiri fréttir Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Sjá meira