LAUGARDAGUR 3. DESEMBER NŢJAST 07:00

Hyggst skila umbo­inu nßist ekki lending strax

FR╔TTIR

Everton og Chelsea komust bŠ­i upp fyrir Liverpool | ┌rslit kv÷ldsins Ý enska

 
Enski boltinn
21:45 01. MARS 2016
Fabio Borini fagnar j÷fnunarmarki sÝnu Ý kv÷ld.
Fabio Borini fagnar j÷fnunarmarki sÝnu Ý kv÷ld. V═SIR/GETTY

Liverpool er komið niður í ellefta sæti ensku úrvalsdeildarinnar eftir að Everton og Chelsea unnu bæði sína leiki í kvöld. Topplið Leicester City tapaði stigum á heimavelli og gæti misst toppsætið á morgun.

Í fallbaráttunni vann Bournemouth langþráðan sigur og Sunderland bjargaði stigi á móti Crystal Palace með marki frá Fabio Borini í lokin.

Topplið Leicester City tapaði tveimur stigum á heimavelli í ensku úrvalsdeildinni í kvöld þegar liðið gerði 2-2 jafntefli við West Bromwich Albion. Leicester-liðið gæti því misst toppsætið til Tottenham á morgun takist leikmönnum Tottenham að vinna West Ham á útivelli. Bæði liðin komust yfir í fyrri hálfleiknum en á endanum var það aukaspyrnumark Craig Gardner sem tryggði West Brom stig.

Chelsea er komið upp í áttunda sæti ensku úrvalsdeildarinnar eftir 2-1 útisigur á Norwich City í kvöld. Chelsea komst upp fyrir Stoke og Liverpool með þessum sigri og hefur enn ekki tapað deildarleik undir stjórn Guus Hiddink. Markið sem skildi á milli liðanna átti þó aldrei að standa því Diego Costa var rangstæður þegar hann kom Cheslea í 2-0 í uppbótartíma fyrri hálfleiksins.

Everton komst upp fyrir nágranna sína í Liverpool með öruggum 3-1 útisigri á Aston Villa á Villa Park. Everton og Liverpool eru með jafnmörg stig en Everton er með mun betri markatölu.

Aston Villa tapaði þarna sínum þriðja leik í röð og er nú átta stigum frá öruggu sæti eftir að Sunderland og Crystal Palace gerðu 2-2 jafntefli á sama tíma.

Crystal Palace hefur aðeins fengið tvö stig út úr síðustu níu deildarleikjum og lærisveinar Alan Pardew eru núna farnir nálgast fallbaráttupakkann. Þeir voru nálægt því að landa þremur stigum i kvöld en Connor Wickham kom liðinu í 2-1 með tveimur mörkum á sex mínútna kafla.

Fabio Borini tryggði hinsvegar Sunderland 2-2 jafntefli og mikilvægt stig í fallbaráttunni þegar hann skoraði laglegt jöfnunarmark úr þröngu færi á 90. mínútu.

Steve Cook og Benik Afobe tryggðu Bournemouth sinn fyrsta sigur í næstum því heilan mánuð þegar þeir skoruðu mörk liðsins í 2-0 heimasigri á Southampton.


Úrslit og markaskorarar í ensku úrvalsdeildinni í kvöld:

Aston Villa - Everton    1-3
0-1 Ramiro Funes Mori (5.), 0-2 Aaron Lennon (30.), 0-3 Romelu Lukaku (60.), 1-3 Rudy Gestede (79.)

Bournemouth - Southampton    2-0
1-0 Steve Cook (31.), 2-0 Benik Afobe (79.)

Leicester - West Bromwich    2-2
0-1 José Salomón Rondón (11.), 1-1 Danny Drinkwater (31.), 2-1 Andy King (45.+1), 2-2 Craig Gardner (50.)

Norwich - Chelsea    1-2
0-1 Kenedy (1.), 0-2 Diego Costa (45.+1), 1-2 Nathan Redmond (68.)

Sunderland - Crystal Palace    2-2
1-0 Dame N'Doye (36.), 1-1 Connor Wickham (61.), 1-2 Connor Wickham (67.), 2-2 Fabio Borini (90.)



Deila
Athugi­. Allar athugasemdir eru ß ßbyrg­ ■eirra er ■Šr rita. VÝsir hvetur lesendur til a­ halda sig vi­ mßlefnalega umrŠ­u. Einnig ßskilur VÝsir sÚr rÚtt til a­ fjarlŠgja Šrumei­andi e­a ˇsŠmilegar athugasemdir og ummŠli ■eirra sem tjß sig ekki undir eigin nafni.

 

MEST LESIđ

  • Nřjast ß VÝsi
  • Mest Lesi­
  • FrÚttir
  • Sport
  • Vi­skipti
  • LÝfi­
ForsÝ­a / Sport / Fˇtbolti / Enski boltinn / Everton og Chelsea komust bŠ­i upp fyrir Liverpool | ┌rslit kv÷ldsins Ý enska
Fara efst