Innlent

Metinn ósakhæfur: Játaði manndráp fyrir dómi

Sunna Kristín Hilmarsdóttir skrifar
Maðurinn var úrskurðaður í tveggja vikna gæsluvarðhald á sínum tíma en þegar það rann út féllst dómari á kröfu lögreglunnar um að hann skyldi vistaður á viðeigandi stofnun.
Maðurinn var úrskurðaður í tveggja vikna gæsluvarðhald á sínum tíma en þegar það rann út féllst dómari á kröfu lögreglunnar um að hann skyldi vistaður á viðeigandi stofnun. vísir/pjetur
39 ára gamall karlmaður sem ákærður er fyrir að hafa orðið 59 ára gömlum manni að bana í búsetukjarna fyrir geðfatlaða við Miklubraut í október síðastliðnum játaði manndrápið við þingfestingu málsins í morgun.

Maðurinn er ákærður fyrir að hafa veist að hinum manninum með hnífi og stungið hann að minnsta kosti 47 sinnum í líkamann, með þeim afleiðingum að sá sem hann réðst á hlaut bana af.

Dómkvaddur matsmaður hefur metið manninn ósakhæfan en við þingfestingu málsins í morgun fór ríkissaksóknari fram á að annar dómkvaddur matsmaður verði kallaður til og framkvæmi yfirmat á því hvort maðurinn sé ósakhæfur. Krafan verður tekin fyrir í héraði þann 5. febrúar og skýrist þá hvort málflutningur fari fram vegna kröfunnar.

Maðurinn sat í gæsluvarðhaldi í tvær vikur en þegar það rann út fór lögregla fram á að hann yrði vistaður á viðeigandi stofnun. Féllst dómari á það og hefur maðurinn verið þar síðan hann losnaði úr gæsluvarðhaldi.


Tengdar fréttir




Fleiri fréttir

Sjá meira


×