Formúla 1

Mercedes spennt fyrir þriggja bíla liðum

Kristinn Ásgeir Gylfason skrifar
Toto Wolff og goðsögnin Niki Lauda ræða málin.
Toto Wolff og goðsögnin Niki Lauda ræða málin. Vísir/Getty
Liðsstjóri Mercedes, Toto Wolff lýst vel á hugmyndir um þriggja bíla lið í þeim tilgangi að fjölga bílum í Formúlu 1.

Dietrich Mateschitz, eigandi Red Bull íhugar að draga sín líð, Red Bull og Toro Rosso úr keppni. Bæði lið berjast fyrir því að finna sér vélar fyrir næsta ár.

Ferrari virðist vera eina von Red Bull og Toro Rosso enda hefur Mercedes þegar gefið það út að liðið ætli ekki að skaffa þeim vélar.

Komi það til að Red Bull og Toro Rosso hætti keppni yrðu bílarnir 18 á ráslínunni í Ástralíu. Haas F1 liðið á bætist við á næsta ári.

Wolff segir að þriðju bílar með ungum ökumönnum við stýrið væri lausn í átt til þess að fylla ráslínuna. Wolff segist þó vona að engin lið hverfi af ráslínunni.

„Ég myndi helst vilja halda Red Bull og bæta þriðju bílunum við. Þá væru um 27-28 bílar og ungir, spennandi ökumenn í þriðju bílunum,“ sagði Wolff.

Wolff segist hafa samúð með Red Bull og því að þeim vanti vélar. Hann segir hins vegar að eigin frammistaða verði að vera forgangsatriði Mercedes.

„Við getum ekki lokað augunum fyrir því að að við þurfum þátttakendur í keppnum og það þarf að vera samkeppni í keppnum,“ bætti Wolff við.

„Formúla 1 verður að hafa samkeppnishæf lið, og það var hluti af vangaveltum okkar, þegar við skoðuðum hvort við ættum að skaffa Red Bull vélar. Red Bull er töff vörumerki og það er gott fyrir Formúlu 1. Þetta er líka umhverfi þar sem maður þarf að hafa augun á sjálfum sér og setja frammistöðu eigin liðs í forgang,“ sagði Wolff.

„Frá okkar bæjardyrum séð er augljóst að við verðum að forgangsraða eigin samkeppnishæfni,“ sagði Wolff að lokum.


Tengdar fréttir

Manor með Mercedes vélar

Manor Marussia liðið í Formúlu 1 hefur náð samningum við Mercedes um að skaffa liðinu vélar á komandi tímabilum.

Rosberg: Titilbaráttan er ekki búin

Nico Rosberg hefur ekki gefist upp á að verða heimsmeistari ökumanna í ár. Bilið milli hans og liðsfélaga hans hjá Mercedes Lewis Hamilton er breikkaði í síðustu keppni.

Romain Grosjean til Haas F1

Romain Grosjean verður kynntur sem annar ökumanna Haas F1 liðsins á þriðjudaginn. Ákvörðun franska ökumannsins kom liði hans, Lotus á óvart, sagði Federico Gastaldi vara liðsstjóri Lotus.




Fleiri fréttir

Sjá meira


×