Handbolti

Mel C kryddar úrslitahelgi Meistaradeildarinnar | Myndband

Tómas Þór Þórðarson skrifar
Mel C og Liza "Left Eye“ Lopez sungu saman Never Be the Same Again sem fór á toppinn í Bretlandi.
Mel C og Liza "Left Eye“ Lopez sungu saman Never Be the Same Again sem fór á toppinn í Bretlandi. vísir/getty
Það verður heldur betur alvöru tónlistaratriði á úrslitaleik Meistaradeildarinnar í handbolta í maí en eins og undanfarin ár fer úrslitahelgin fram í LANXESS-höllinni í Köln.

Tilkynnt var í dag að Melanie C, eða Mel C, einn fimmti af frægustu stúlknasveit allra tíma, Spice Girls, verður tónlistaratriðið fyrir bikarafhendinguna að þessu sinni.

Mel C er að kynna sjöundu breiðskífu sína, Version Of Me, en hún mun reyndar spila á hefðbundnum tónleikum í Köln aðeins mánuði áður en hún snýr síðan aftur og spilar fyrir handboltaáhugamenn.

Mel C þarf vart að kynna en tónlistarferill hennar sem sólólistamaður hófst árið 1999. Síðan þá hefur hún tvö lög sem komust á toppinn í Bretlandi og sex lög sem komust inn á topp tíu.

Síðan árið 1996 hefur Mel C selt ríflega 100 milljónir platna með Spice Girls og tólf milljónir ein og sér.

Melanie kveðst spennt fyrir verkefninu eins og sjá má hér að neðan.




Fleiri fréttir

Sjá meira


×