SUNNUDAGUR 28. ÁGÚST NÝJAST 23:45

Sagđi Clinton ćtla í stríđ viđ bćndur

FRÉTTIR

Meistararnir sluppu međ skrekkinn gegn lélegasta liđi deildarinnar

 
Körfubolti
11:30 31. JANÚAR 2016
Curry laumar hér boltanum ofaní körfuna framhjá varnarmönnum 76ers.
Curry laumar hér boltanum ofaní körfuna framhjá varnarmönnum 76ers. VÍSIR/GETTY
Kristinn Páll Teitsson skrifar

Golden State Warriors lenti í miklu basli gegn Philadelphia 76ers á útivelli í kvöld en náði að lokum að vinna þriggja stiga sigur.

Áttu flestir von á því að Golden State sem var búið að vinna 42 af fyrstu 46 leikjunum myndi einfaldlega keyra yfir leikmenn Philadelphia 76ers sem höfðu aðeins unnið 7 leiki af 47.

Leikmönnum 76ers tókst að vinna upp tólf stiga forskot Golden State í fjórða leikhluta og jafna metin skömmu fyrir leikslok en Harrison Barnes tryggði Golden State sigurinn með þriggja stiga körfu undir lok leiksins.

Klay Thompson var stigahæstur í liði Golden State með 32 stig, Stephen Curry bætti við 23 stigum en Draymond Green var nálægt því að ná enn einni þreföldu tvennunni með 10 stig, 13 fráköst og 9 stoðsendingar.

Í Cleveland sendu LeBron James og félagar í Cavaliers út sterk skilaboð til deildarinnar með öruggum sigri á San Antonio Spurs.


Kevin Love fagnar körfu ásamt LeBron.
Kevin Love fagnar körfu ásamt LeBron. VÍSIR/GETTY

Mikið hefur verið fjallað um ástandið á Cleveland eftir að þjálfari liðsins var rekinn á dögunum þrátt fyrir að vera með liðið í efsta sæti Austurdeildarinnar.

Leikmenn Cavaliers voru einfaldlega skrefinu á undan allan leikinn og tóku sautján stiga forskot inn í hálfleik og unnu að lokum sannfærandi fjórtán stiga sigur 117-103.

Stjörnurnar þrjár hjá Cleveland, LeBron James, Kyrie Irving og Kevin Love, skiluðu allir yfir 20 stigum annan leikinn í röð en hjá San Antonio Spurs var Kawhi Leonard stigahæstur með 24 stig.

Bestu tilþrif kvöldsins má sjá hér fyrir neðan og stöðuna í deildinni má sjá hér.

Úrslit kvöldsins:

Philadelphia 76ers 105-108 Golden State Warriors
Toronto Raptors 111-107 Detroit Pistons
New Orleans Pelicans 105-103 Brooklyn Nets
Houston Rockets 122-123 Washington Wizards
Memphis Grizzlies 121-117 Sacramento Kings
Cleveland Cavaliers 117-103 San Antonio Spurs


Bestu tilţrif kvöldsins:


Harrison Barnes setur sigurkörfuna gegn 76ers:


Harden átti sannkallađan stórleik:
Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Körfubolti / Meistararnir sluppu međ skrekkinn gegn lélegasta liđi deildarinnar
Fara efst