Meiri umferðarþungi fyrir verslunarmannahelgina í ár

Samkvæmt umferðarteljara á Hringvegi við Geitháls austan Elliðavatns hafði umferð í dag út úr höfuðborginni aukist um rétt rúm þrettán prósent frá miðnætti til klukkan ellefu í dag miðað við sama tímabil á föstudeginum fyrir verslunarmannahelgina á síðasta ári.

Þetta kemur fram í tilkynningu frá Vegagerðinni en umferðardeild Vegagerðarinnar áætlar að umferðin austur fyrir fjall geti orðið um 10 til 12 prósentum meiri nú í dag en hún var á sama degi á síðasta ári á þessum talningarstað.