Innlent

Markmið að auka fræðslu

Jón Hákon Halldórsson skrifar
Þórdís Kolbrún Reykfjörð Gylfadóttir, erðamála-, iðnaðar- og nýsköpunarráðherra.
Þórdís Kolbrún Reykfjörð Gylfadóttir, erðamála-, iðnaðar- og nýsköpunarráðherra.
Þórdís Kolbrún R. Gylfadóttir, ferðamála-, iðnaðar- og nýsköpunarráðherra, hefur skrifað undir samning við Fræðslumiðstöð atvinnulífsins og Stjórnstöð ferðamála um verkefnið Hæfnisetur ferðaþjónustunnar. Það er samstarfsverkefni aðila vinnumarkaðarins, fræðsluaðila og stjórnvalda um heildstæðar lausnir og úrbætur til að auka hæfni í ferðaþjónustu á Íslandi.

Í Hæfnisetrinu verður áhersla lögð á að þróa námslotur fyrir starfsmenn í ferðaþjónustu, leiðtogafræðslu, þrepaskipt starfsnám og raunfærnimat í starfsgreinum ferðaþjónustunnar. Í frétt á vef stjórnarráðsins segir að byggt verði á reynslu frá Skotlandi og Kanada en þar hafa verið þróaðar lausnir til að auka gæði, framleiðni og arðsemi í ferðaþjónustu á grundvelli hæfni stjórnenda og starfsmanna.

Fréttin birtist fyrst í Fréttablaðinu.




Fleiri fréttir

Sjá meira


×