Fótbolti

Markaveisla í boði Madrídinga | Ronaldo með fernu

Ingvi Þór Sæmundsson skrifar
Ronaldo skorar fjórða mark sitt.
Ronaldo skorar fjórða mark sitt. Vísir/Getty
Cristiano Ronaldo skoraði fernu þegar Real Madrid slátraði Celta Vigo á Santiago Bernabeu í spænsku 1. deildinni í dag. Lokatölur 7-1, Real Madrid í vil.

Þetta var annar sigur Real Madrid í röð en liðið er í 3. sæti deildarinnar með 60 stig, níu stigum á eftir toppliði Barcelona sem á auk þess leik til góða.

Pepe, Jesé Rodríguez og Gareth Bale komust einnig á blað í dag en Iago Aspas skoraði mark Celta Vigo.

Ronaldo er nú orðinn markahæstur í spænsku deildinni með 27 mörk en Börsungurinn Luís Suárez kemur næstur með 25 mörk.






Fleiri fréttir

Sjá meira


×