MIĐVIKUDAGUR 27. JÚLÍ NÝJAST 16:51

Liđsstyrkur í Árbćinn

SPORT

Markađir féllu vestanhafs eftir ákvörđun seđlabankans

 
Viđskipti erlent
23:58 27. JANÚAR 2016
Janet Yellen er formađur peningastefnunefndarinnar.
Janet Yellen er formađur peningastefnunefndarinnar. VÍSIR/AFP

Seðlabanki Bandaríkjanna tilkynnti í dag að stýrivextir myndu vera óbreyttir. Markaðir vestanhafs tóku dýfu í kjölfar tilkynningarinnar. Greint er frá þessu hjá Reuters.

Minnkandi hagvöxtur í Kína og slæm staða á olíumörkuðum hafa undanfarnar vikur haft áhrif á fyrirtæki víða um heim. Fjárfestar höfðu því beðið í ofvæni eftir niðurstöðu bankans en margir þeirra höfðu vonast eftir því að vextirnir myndu lækka í kjölfar slæmrar stöðu á mörkuðum undanfarnar vikur. Stjórnendur Seðlabankas gáfu það út að þeir fylgdust grannt með þróun mála í heiminum og væru sæmilega bjartsýnir um framtíð bandaríska hagkerfisins.

Hlutabréf í Apple féllu um rúmlega sex og hálft prósent eftir að í ljós kom að sala á iPhone hefur dregist saman að undanförnu. Boeing féll einnig eða um tæp níu prósent en gærdagurinn er versti dagur félagsins í kauphöllinni frá því í ágúst 2011. Í lok dags hafði Dow Jones vísitalan lækkað um 1,38 prósent.

Næsta stýrivaxtaákvörðun er áætluð í mars.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Viđskipti / Viđskipti erlent / Markađir féllu vestanhafs eftir ákvörđun seđlabankans
Fara efst