Innlent

Manndráp á Melunum

Kolbeinn Tumi Daðason skrifar
Tveir lögregulbílar voru á vettvangi auk fleiri bíla starfsmanna rannsóknardeildar þegar blaðamann bar að garði um hálf ellefu í kvöld.
Tveir lögregulbílar voru á vettvangi auk fleiri bíla starfsmanna rannsóknardeildar þegar blaðamann bar að garði um hálf ellefu í kvöld. Vísir/Kolbeinn Tumi
Tveir menn eru í haldi lögreglu eftir að kona fannst látin í íbúð á Hagamel í Vesturbæ Reykjavíkur í kvöld. Tilkynning barst lögreglu um tíuleytið í kvöld og fóru sérsveitarmenn, lögreglumenn og sjúkrabíll á svæðið eins og Vísir hafði greint frá fyrr í kvöld.

Grímur Grímsson, yfirmaður miðlægrar rannsóknardeildar lögreglu, staðfestir við Vísi að grunur sé um líkamsárás sem leiddi til dauða konunnar. Tveir eru í haldi lögreglu og er annar þeirra undir meiri grun en hinn um aðkomu að dauða hennar.

Lögregla hefur verið á Hagamelnum í kvöld að taka skýrslur af íbúum í húsinu og rannsóknardeild lögreglu er að skoða vettvanginn. Framundan eru yfirheyrslur yfir mönnunum tveimur.

 


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×