Fótbolti

Mandzukic að ganga í raðir Atletico Madrid

Kristinn Páll Teitsson skrifar
Vísir/Getty
Samkvæmt þýska miðlinum Bild er Mario Mandzukic, framherji Bayern Munchen og króatíska landsliðsins, á förum til Atletico Madrid á Spáni. Mun hann taka sæti Diego Costa sem er á leiðinni til Chelsea.

Samkvæmt heimildum Bild mun Atletico greiða 17,5 milljónir evra fyrir Mandzukic og mun hann skrifa undir fimm ára samning hjá spænsku meisturunum.

Mandzukic lék tvö tímabil í treyju Bayern Munchen en á þeim tíma lék hann 88 leiki fyrir félagið og skoraði í þeim 34 mörk.

Hann fór hinsvegar ekkert í felur með það að hann vildi fara frá Bayern Munchen eftir tímabilið en Robert Lewandowski gengur til liðs við þýsku meistarana á næstu dögum frá Dortmund.




Fleiri fréttir

Sjá meira


×