Enski boltinn

Man City vill að Agüero framlengi við félagið

Ingvi Þór Sæmundsson skrifar
Agüero fagnar einu af 18 mörkum sínum á tímabilinu.
Agüero fagnar einu af 18 mörkum sínum á tímabilinu. vísir/epa
Svo gæti farið að Sergio Agüero, framherji Manchester City, framlengi samning sinn við félagið um eitt ár. Þetta kemur fram í frétt the Guardian.

Núverandi samningur Agüero rennur út 2019 en félagið vill að hann framlengi samning sinn um a.m.k. eitt ár.

Argentínumaðurinn hefur áður sagt að hann vilji snúa aftur til Independiente í heimalandinu, þar sem hann hóf ferilinn, en óvíst er hvenær af því verður.

Agüero skoraði mark City í 1-3 tapinu fyrir Leicester City á laugardaginn en hann er kominn með 18 mörk í öllum keppnum á tímabilinu.

Agüero kom til City 2012 og hefur síðan þá skorað 124 mörk í 188 leikjum fyrir félagið.




Fleiri fréttir

Sjá meira


×