Málaðu þína jólamynd árið 2016 Kristín Linda sálfræðingur skrifar 6. desember 2016 11:24 Flestir eru fremur varnafastir þegar kemur að stórhátíðum eins og jólum. Enn eru jafnvel á borðum réttir sem urðu að sparimat fyrir áratugum litaðir af vöruframboði þess tíma. Þannig var það með límkennda ávaxtagrautinn úr þurrkuðu ávöxtunum sem fjölskylda ein snæddi á aðfangadagskvöld þar til hugaður einstaklingur við jólaborðið sagði: Er það bara ég, eða er þessi eftirréttur bara ekki góður, er kannski hægt að velja eitthvað annað á aðfangadag? Vaninn getur verið vinur okkar og auðveldað okkur lífið en hann getur líka orðið okkur fjötur um fót. Hann getur valdið því að á aðventu og jólum leitum við í huganum til baka, í gamlar myndir af fyrri aðventu og jólum og hefjumst svo handa við að endurgera þær. Svo stendur hnífurinn í kúnni þegar við áttum okkur á að það er ef til vill alls ekki hægt, æskilegt eða ákjósanlegt vegna þess að lífið er síbreytilegt ævintýri og staða okkar um leið. Það sem áður gladdi og studdi gerir það hugsanlega alls ekki í dag.Komandi desemberdagar verða öðruvísi hjá ótal fjölskyldum. Þeir verða öðruvísi vegna þess að tímans hjól hefur tifað, breytingar hafa orðið.Í sumum tilfellum fylgir breytingunum gleði og þakklæti, til dæmis þegar fjölskylda nýtur jólanna með nýju barni. Á öðrum heimilum er breytingin erfið, ef til vill er einhver sem áður var hluti af fjölskyldunni ekki lengur þar. Því geta fylgt tilfinningar eins og eftirsjá, vonbrigði, reiði og sorg. Margskonar aðrar breytingar geta reynt á, veikindi, dvöl barna á öðru heimili og erfiðleikar og áhyggjur til dæmis vegna heilsu eða fjármála. Í erfiðleikum er mikilvægt að átta sig á þeim möguleikum sem þó eru í stöðunni til að bæta líðan sína og líf. Að hafa kjark og kraft til að mála nýja jólamynd miðað við núið, árið 2016. Sumir verða að gera það tilneyddir en aðrir gera það af því að þeir kjósa það og langar til að opna nýjar dyr upplifana og gleðistunda.Listin að lifa flest meðal annars í því að:Beina athygli sinni, hugsunum og upplifun að því sem lyftir, gleður og bætir einmitt núna, miðað við líf þitt í dag. Já við erum að tala um desember árið 2016, ekki siði fortíðar!Hafa sig í að mála nútímalegar og nýjar lífsmyndir og skapa þar með nýjar og viðeigandi upplifanir og venjur fyrir sig og sína hvort sem er á aðventu, jólum, áramótum eða aðra daga.Setja fjölbreyttar hamingjustundir á dagskrá, markvisst og ákveðið, smærri og stærri, en muna samt að flækja ekki ánægjuna með of miklum kröfum.Muna að ef lífið er of snúið er hjálp að fá ef eftir henni er leitað. Leitaðu þér hjálpar ef þarf fyrr en seinna, smá hjálp getur gert kraftaverk.Frelsið og valið á aðventu, jólum og áramótum varðandi okkar eigin venjur, siði og hegðun er raunverulegt. Við höfum ótrúlega mikið val allt frá því að við opnum augun að morgni. Hverju viljum við klæðast, hvað viljum við snæða, á hvað viljum við hlusta eða horfa og hvað viljum við gera.Leyfum okkur að líta á desemberdagana okkar á nýjan hátt í stað þess að reyna aftur og aftur að mála gömlu myndina eins og hún var.Frumleg og skapandi hugsun getur búið til alveg nýja ævintýramynd úr desemberdögum, Þorláksmessu, aðfangadegi, jóladegi eða áramótum. Það er í alvöru er allt mögulegt hægt alveg frá því að velja annan eftirrétt en límkennda ávaxtagrautinn yfir í að færa aðfangadagskvöldsdagskrána með öllu til annars dags á dagatalinu. Viltu birta grein á Vísi? Sendu okkur póst. Senda grein Mest lesið Konur sem eiga ekki að eignast börn Diljá Mist Einarsdóttir Skoðun Gervigreind og máttur tungumálsins Þorsteinn Siglaugsson Skoðun Geðsjúkum mismunað á nýja háskólasjúkrahúsinu? Elín Ósk Reynisdóttir Skoðun Stuðningur úr óvæntri átt Hjörtur J. Guðmundsson Skoðun Bændur eru líka neytendur Eyjólfur Ingvi Bjarnason Skoðun Hlutabréfafjárfesting er langtímafjárfesting Davíð Björnsson Skoðun Skynsamlegt að selja Íslandsbanka Teitur Björn Einarsson Skoðun Vanlíðan ungmenna á Íslandi og menntamálayfirvöld Guðrún Ingibjörg Stefánsdóttir Skoðun Þjóðarópera - stórt skref til framtíðar Andri Björn Róbertsson Skoðun Vinstri gráir Yngvi Óttarsson Skoðun Skoðun Skoðun Gervigreind og máttur tungumálsins Þorsteinn Siglaugsson skrifar Skoðun Sameinum 2. og 3. deild karla í knattspyrnu Bergvin Oddsson skrifar Skoðun Skynsamlegt að selja Íslandsbanka Teitur Björn Einarsson skrifar Skoðun Gleymdu börnin Kolbrún Pálsdóttir skrifar Skoðun Vinstri gráir Yngvi Óttarsson skrifar Skoðun Bændur eru líka neytendur Eyjólfur Ingvi Bjarnason skrifar Skoðun Hlutabréfafjárfesting er langtímafjárfesting Davíð Björnsson skrifar Skoðun Stuðningur úr óvæntri átt Hjörtur J. Guðmundsson skrifar Skoðun Loftslagsmál eru orkumál Nótt Thorberg skrifar Skoðun Framsókn klárar verkin Halla Signý Kristjánsdóttir skrifar Skoðun Þjóðarópera - stórt skref til framtíðar Andri Björn Róbertsson skrifar Skoðun Veiðum hval - virðum lög Þorsteinn Sæmundsson skrifar Skoðun Bestu árin Álfhildur Leifsdóttir,Hólmfríður Jennýjar Árnadóttir,Sigríður Gísladóttir skrifar Skoðun Brunavarnir á byggingarsvæðum Böðvar Tómasson skrifar Skoðun Rödd þjóðarinnar Arnar Þór Jónsson skrifar Skoðun Opið bréf til matvælaráðherra - dýraníð í Borgarbyggð Árni Stefán Árnason skrifar Skoðun 1.500 undirskriftir fyrir forseta Björn Leví Gunnarsson,Indriði Ingi Stefánsson skrifar Skoðun Líknardeild Landspítala 25 ára Ólöf Ásdís Ólafsdóttir,Arna Dögg Einarsdóttir skrifar Skoðun Hverjum er treystandi? Tjáningarfrelsið og upplýst umræða Helgi Áss Grétarsson skrifar Skoðun Þurfum við að tala um endó? Lilja Guðmundsdóttir skrifar Skoðun Konur sem eiga ekki að eignast börn Diljá Mist Einarsdóttir skrifar Skoðun Nýr Kjalvegur - Hraðbraut í gegnum hálendið Ágústa Ágústsdóttir skrifar Skoðun Óvinsælastur í heimi Árni Pétur Árnason skrifar Skoðun Margföldun raforkuverðs Högni Elfar Gylfason skrifar Skoðun Orka, loftslag og náttúra Guðmundur Ingi Guðbrandsson skrifar Skoðun Vorleysingar vitundarinnar á ævikvöldinu Matthildur Björnsdóttir skrifar Skoðun Nærandi ferðaþjónusta Hildur Guðbjörg Kristjánsdóttir skrifar Skoðun Boðskapur frá forsetaframbjóðanda Ásdís Rán Gunnarsdóttir skrifar Skoðun Opinber umræða fyrir hvern? Þorbjörg Þorvaldsdóttir skrifar Skoðun „Þetta reddast!“ Dóra Björt Guðjónsdóttir skrifar Sjá meira
Flestir eru fremur varnafastir þegar kemur að stórhátíðum eins og jólum. Enn eru jafnvel á borðum réttir sem urðu að sparimat fyrir áratugum litaðir af vöruframboði þess tíma. Þannig var það með límkennda ávaxtagrautinn úr þurrkuðu ávöxtunum sem fjölskylda ein snæddi á aðfangadagskvöld þar til hugaður einstaklingur við jólaborðið sagði: Er það bara ég, eða er þessi eftirréttur bara ekki góður, er kannski hægt að velja eitthvað annað á aðfangadag? Vaninn getur verið vinur okkar og auðveldað okkur lífið en hann getur líka orðið okkur fjötur um fót. Hann getur valdið því að á aðventu og jólum leitum við í huganum til baka, í gamlar myndir af fyrri aðventu og jólum og hefjumst svo handa við að endurgera þær. Svo stendur hnífurinn í kúnni þegar við áttum okkur á að það er ef til vill alls ekki hægt, æskilegt eða ákjósanlegt vegna þess að lífið er síbreytilegt ævintýri og staða okkar um leið. Það sem áður gladdi og studdi gerir það hugsanlega alls ekki í dag.Komandi desemberdagar verða öðruvísi hjá ótal fjölskyldum. Þeir verða öðruvísi vegna þess að tímans hjól hefur tifað, breytingar hafa orðið.Í sumum tilfellum fylgir breytingunum gleði og þakklæti, til dæmis þegar fjölskylda nýtur jólanna með nýju barni. Á öðrum heimilum er breytingin erfið, ef til vill er einhver sem áður var hluti af fjölskyldunni ekki lengur þar. Því geta fylgt tilfinningar eins og eftirsjá, vonbrigði, reiði og sorg. Margskonar aðrar breytingar geta reynt á, veikindi, dvöl barna á öðru heimili og erfiðleikar og áhyggjur til dæmis vegna heilsu eða fjármála. Í erfiðleikum er mikilvægt að átta sig á þeim möguleikum sem þó eru í stöðunni til að bæta líðan sína og líf. Að hafa kjark og kraft til að mála nýja jólamynd miðað við núið, árið 2016. Sumir verða að gera það tilneyddir en aðrir gera það af því að þeir kjósa það og langar til að opna nýjar dyr upplifana og gleðistunda.Listin að lifa flest meðal annars í því að:Beina athygli sinni, hugsunum og upplifun að því sem lyftir, gleður og bætir einmitt núna, miðað við líf þitt í dag. Já við erum að tala um desember árið 2016, ekki siði fortíðar!Hafa sig í að mála nútímalegar og nýjar lífsmyndir og skapa þar með nýjar og viðeigandi upplifanir og venjur fyrir sig og sína hvort sem er á aðventu, jólum, áramótum eða aðra daga.Setja fjölbreyttar hamingjustundir á dagskrá, markvisst og ákveðið, smærri og stærri, en muna samt að flækja ekki ánægjuna með of miklum kröfum.Muna að ef lífið er of snúið er hjálp að fá ef eftir henni er leitað. Leitaðu þér hjálpar ef þarf fyrr en seinna, smá hjálp getur gert kraftaverk.Frelsið og valið á aðventu, jólum og áramótum varðandi okkar eigin venjur, siði og hegðun er raunverulegt. Við höfum ótrúlega mikið val allt frá því að við opnum augun að morgni. Hverju viljum við klæðast, hvað viljum við snæða, á hvað viljum við hlusta eða horfa og hvað viljum við gera.Leyfum okkur að líta á desemberdagana okkar á nýjan hátt í stað þess að reyna aftur og aftur að mála gömlu myndina eins og hún var.Frumleg og skapandi hugsun getur búið til alveg nýja ævintýramynd úr desemberdögum, Þorláksmessu, aðfangadegi, jóladegi eða áramótum. Það er í alvöru er allt mögulegt hægt alveg frá því að velja annan eftirrétt en límkennda ávaxtagrautinn yfir í að færa aðfangadagskvöldsdagskrána með öllu til annars dags á dagatalinu.