MÁNUDAGUR 16. JANÚAR NÝJAST 21:55

Viđar Örn skorađi í ţriđja leiknum í röđ

SPORT

Makélélé ráđinn ađstođarţjálfari Swansea

 
Enski boltinn
16:22 11. JANÚAR 2017
Makélélé er mćttur til Swansea.
Makélélé er mćttur til Swansea. VÍSIR/GETTY
Ingvi Ţór Sćmundsson skrifar

Paul Clement, knattspyrnustjóri Swansea City, hefur náð sér í góðan aðstoðarmann; Claude Makélélé, fyrrverandi leikmann Real Madrid og Chelsea.

Makélélé, sem er 43 ára, skrifaði undir samning sem gildir til loka tímabilsins.

Clement og Makélélé þekkjast vel en sá fyrrnefndi var í þjálfarateyminu hjá Chelsea þegar Makélélé lék með liðinu. Þá unnu þeir einnig saman hjá Paris Saint-Germain.

Makélélé átti afar farsælan feril en hann spilaði sem varnarsinnaður miðjumaður. Sú staða var raunar stundum nefnd eftir honum.

Makélélé lék með Real Madrid á árunum 2000-03. Hann varð tvívegis spænskur meistari með Madrídarliðinu og einu sinni Evrópumeistari.

Makélélé fór til Chelsea 2003 og lék með liðinu í fimm ár. Hann varð tvisvar enskur meistari og einu sinni bikarmeistari með Chelsea.

Makélélé var til skamms tíma knattspyrnustjóri Bastia en var rekinn þaðan í nóvember 2014.

Makélélé verður í fyrsta sinn á bekknum hjá Swansea þegar liðið mætir Arsenal á laugardaginn.



Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Enski boltinn / Makélélé ráđinn ađstođarţjálfari Swansea
Fara efst