Lokanir á „myrkranetsmörkuðum“ marka þáttaskil Kristín Ólafsdóttir skrifar 21. júlí 2017 00:15 Myrkranetsíðunum AlphaBay og Hansa hefur verið lokað. Vísir/Getty Tveimur stærstu myrkranetsmarkaðstorgum í heimi, þar sem ólöglegur varningur gekk kaupum og sölum, hefur verið lokað vegna alþjóðlegrar rannsóknar á starfsemi þeirra. BBC gerði ítarlega úttekt á málinu. Varningur á borð við eiturlyf, vopn, spilliforrit (e. malware) og stolin gögn var til sölu á myrkranetssíðunum AlphaBay og Hansa, sem lokað var í kjölfar samhæfðra aðgerða lögregluyfirvalda í Evrópu og Bandaríkjunum. Myrkranetið svokallaða, eða „dark web,“ samanstendur af vefsíðum og öðru efni á Internetinu sem aðeins er hægt að nálgast með sérstökum hugbúnaði, heimildum eða stillingum. Áðurnefndar vefsíður, AlphaBay og Hansa, tilheyrðu þessum flokki en vegna þess hversu erfitt er að nálgast efni á myrkranetinu hafa einhverjir hlutar þess orðið vettvangur glæpastarfsemi.Um að ræða tvær lokanirAlphaBay var lokað í byrjun þessa mánaðar en í kjölfarið jókst notendafjöldi Hansa, hinnar síðunnar sem lokað var. Sú síða hafði þó verið undir leynilegu eftirliti hollensku lögreglunnar síðan í lok júní síðastliðnum en henni var lokað nú fyrir skömmu, þegar eftirlitið hafði staðið yfir í um mánuð. Samhæfðar aðgerðir Bandarísku alríkislögreglunnar (FBI), Bandarísku fíkniefnalögreglunnar (DEA) og hollensku lögreglunnar leiddu til lokananna, auk þess sem tveir menn voru handteknir í Þýskalandi í tengslum við rekstur Hansa. Þá var lagt hald á netþjóna í Þýskalandi, Hollandi og Litháen. Þessar aðgerðir eru taldar hafa markað þáttaskil í rannsóknum á glæpastarfsemi á myrkranetinu.Viðskiptin sögð hafa leitt til dauðsfallaÞá rekja yfirvöld í Bandaríkjunum nokkur dauðsföll bandarískra ríkisborgara til viðskipta á téðum myrkranetsmarkaðstorgunum. „Við vitum til þess að fjölmargir Bandaríkjamenn hafa látið lífið vegna eiturlyfja sem þeir keyptu á AlphaBay,“ sagði dómsmálaráðherra Bandaríkjanna, Jeff Sessions. Hann nefndi sérstaklega 18 ára stúlku og 13 ára dreng sem létust bæði eftir að þau innbyrtu of stóra skammta af eiturlyfjum sem keypt voru á AlphaBay. Þá er vitað til þess að heróín og fentanýl, eiturlyf sem dregið hafa fjölda fólks til dauða, hafi verið til sölu á síðunni. „Þið getið ekki falið ykkur. Við munum finna ykkur,“ sagði Sessions og beindi ummælum sínum til glæpamanna sem stunda ólögleg viðskipti á myrkranetinu.Meintur stjórnandi fannst látinn í fangelsi í TaílandiEinn af meintum stjórnendum AlphaBay, Kanadamaðurinn Alexandre Cazes, var handtekinn í Taílandi 5. júlí síðastliðinn en aðgerðir vegna síðanna hafa verið afar umfangsmiklar. Við handtökuna lagði lögregla hald á margar milljónir Bandaríkjadala, bundnar í ýmsum eignum, þrjár fasteignir og fjórar bifreiðar af tegundinni Lamborghini. Cazes fannst látinn í klefa sínum í fangelsi í Bangkok, höfuðborg Taílands, nokkru síðar. Talið er að hann hafi framið sjálfsmorð. Árið 2013 var sambærilegu myrkranetsmarkaðstorgi, Silk Road, lokað. Aðrar og stærri síður leystu Silk Road fljótlega af hólmi, þar á meðal AlphaBay, en ljóst þykir að stjórnvöld þurfi nú að einblína á stór og margbrotin net glæpasamtaka, sem standa að stofnun markaðstorganna. Mest lesið „Breiðholt mesta fátæktargildra landsins“ Innlent Steinunn Ólína skýtur föstum skotum á Katrínu Innlent Skipulögðu árásir í Þýskalandi og víðar í nafni ISKP Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Tíu sektaðir vegna notkunar nagladekkja Innlent „Dapurlegt“ að andstæðingar bólusetninga hafi svo mikil áhrif Innlent Ætlaði að koma upp um barnaníðing en lenti í klóm hans Innlent Vilja taka upp auðlindagjald að hætti Norðmanna Innlent Eigendur sjókvíaeldis þurfa ekki að greiða auðlindagjald Innlent Fleiri fréttir Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Dregur úr vinnu og verkefnum Evrópa hlýnar hraðast heimsálfanna Duda segir Pólverja reiðubúna til að geyma kjarnorkuvopn Segir af sér vegna mistaka í kringum árás Hamas Rallýbíll ók á áhorfendur á Sri Lanka Sjá meira
Tveimur stærstu myrkranetsmarkaðstorgum í heimi, þar sem ólöglegur varningur gekk kaupum og sölum, hefur verið lokað vegna alþjóðlegrar rannsóknar á starfsemi þeirra. BBC gerði ítarlega úttekt á málinu. Varningur á borð við eiturlyf, vopn, spilliforrit (e. malware) og stolin gögn var til sölu á myrkranetssíðunum AlphaBay og Hansa, sem lokað var í kjölfar samhæfðra aðgerða lögregluyfirvalda í Evrópu og Bandaríkjunum. Myrkranetið svokallaða, eða „dark web,“ samanstendur af vefsíðum og öðru efni á Internetinu sem aðeins er hægt að nálgast með sérstökum hugbúnaði, heimildum eða stillingum. Áðurnefndar vefsíður, AlphaBay og Hansa, tilheyrðu þessum flokki en vegna þess hversu erfitt er að nálgast efni á myrkranetinu hafa einhverjir hlutar þess orðið vettvangur glæpastarfsemi.Um að ræða tvær lokanirAlphaBay var lokað í byrjun þessa mánaðar en í kjölfarið jókst notendafjöldi Hansa, hinnar síðunnar sem lokað var. Sú síða hafði þó verið undir leynilegu eftirliti hollensku lögreglunnar síðan í lok júní síðastliðnum en henni var lokað nú fyrir skömmu, þegar eftirlitið hafði staðið yfir í um mánuð. Samhæfðar aðgerðir Bandarísku alríkislögreglunnar (FBI), Bandarísku fíkniefnalögreglunnar (DEA) og hollensku lögreglunnar leiddu til lokananna, auk þess sem tveir menn voru handteknir í Þýskalandi í tengslum við rekstur Hansa. Þá var lagt hald á netþjóna í Þýskalandi, Hollandi og Litháen. Þessar aðgerðir eru taldar hafa markað þáttaskil í rannsóknum á glæpastarfsemi á myrkranetinu.Viðskiptin sögð hafa leitt til dauðsfallaÞá rekja yfirvöld í Bandaríkjunum nokkur dauðsföll bandarískra ríkisborgara til viðskipta á téðum myrkranetsmarkaðstorgunum. „Við vitum til þess að fjölmargir Bandaríkjamenn hafa látið lífið vegna eiturlyfja sem þeir keyptu á AlphaBay,“ sagði dómsmálaráðherra Bandaríkjanna, Jeff Sessions. Hann nefndi sérstaklega 18 ára stúlku og 13 ára dreng sem létust bæði eftir að þau innbyrtu of stóra skammta af eiturlyfjum sem keypt voru á AlphaBay. Þá er vitað til þess að heróín og fentanýl, eiturlyf sem dregið hafa fjölda fólks til dauða, hafi verið til sölu á síðunni. „Þið getið ekki falið ykkur. Við munum finna ykkur,“ sagði Sessions og beindi ummælum sínum til glæpamanna sem stunda ólögleg viðskipti á myrkranetinu.Meintur stjórnandi fannst látinn í fangelsi í TaílandiEinn af meintum stjórnendum AlphaBay, Kanadamaðurinn Alexandre Cazes, var handtekinn í Taílandi 5. júlí síðastliðinn en aðgerðir vegna síðanna hafa verið afar umfangsmiklar. Við handtökuna lagði lögregla hald á margar milljónir Bandaríkjadala, bundnar í ýmsum eignum, þrjár fasteignir og fjórar bifreiðar af tegundinni Lamborghini. Cazes fannst látinn í klefa sínum í fangelsi í Bangkok, höfuðborg Taílands, nokkru síðar. Talið er að hann hafi framið sjálfsmorð. Árið 2013 var sambærilegu myrkranetsmarkaðstorgi, Silk Road, lokað. Aðrar og stærri síður leystu Silk Road fljótlega af hólmi, þar á meðal AlphaBay, en ljóst þykir að stjórnvöld þurfi nú að einblína á stór og margbrotin net glæpasamtaka, sem standa að stofnun markaðstorganna.
Mest lesið „Breiðholt mesta fátæktargildra landsins“ Innlent Steinunn Ólína skýtur föstum skotum á Katrínu Innlent Skipulögðu árásir í Þýskalandi og víðar í nafni ISKP Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Tíu sektaðir vegna notkunar nagladekkja Innlent „Dapurlegt“ að andstæðingar bólusetninga hafi svo mikil áhrif Innlent Ætlaði að koma upp um barnaníðing en lenti í klóm hans Innlent Vilja taka upp auðlindagjald að hætti Norðmanna Innlent Eigendur sjókvíaeldis þurfa ekki að greiða auðlindagjald Innlent Fleiri fréttir Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Dregur úr vinnu og verkefnum Evrópa hlýnar hraðast heimsálfanna Duda segir Pólverja reiðubúna til að geyma kjarnorkuvopn Segir af sér vegna mistaka í kringum árás Hamas Rallýbíll ók á áhorfendur á Sri Lanka Sjá meira