Lögregluyfirvöld leiddu íslensku konuna í gildru Kolbeinn Tumi Daðason skrifar 12. febrúar 2016 16:31 Íslensk kona á fimmtugsaldri, sem grunuð er um aðkomu að umfangsmiklu fíkniefnasmygli frá Mexíkó til Íslands með viðkomu í Kanada, var handtekin í Toronto í desember nokkrum dögum fyrir jól. Hún hefur setið í gæsluvarðhaldi síðan og má reikna með því að hún verði í haldi þar til dómur fellur í málinu. Konan mun hafa verið í hlutverki burðardýrs en segja má að lögregluyfirvöld hafi leitt hana í gildru til þess að ná að tengja hana við fíkniefnainnflutninginn. Fór konan utan til Toronto til að sækja golfsett sem sent hafði verið með póstsendingu frá Mexíkó en verið stöðvað í Kanada. Þar var konan handtekin en kylfurnar höfðu verið fylltar af fíkniefnum. Rannsókn málsins er í höndum kanadísku lögreglunnar en var þó unnin í samstarfi við íslensk yfirvöld á fyrri stigum samkvæmt upplýsingum frá Friðriki Smára Björgvinssyni, yfirlögregluþjóni hjá lögreglunni á höfuðborgarsvæðinu. Vísir greindi frá málinu í morgun. Umrædd golfsett á leiðinni frá Íslandi í nóvember.Ævintýraleg sagaMálið allt hefur yfir sér reyfarakenndan blæ en samkvæmt heimildum Vísis tilkynnti konan þremur kunningjakonum sínum að hún hefði unnið ferð fyrir fjóra til Cancun í Mexíkó. Lúxusferð sem vinkonurnar slógu ekki hendinni á móti. Það sem þær vissu ekki var að verið var að reyna að gera þær að burðardýrum án þeirra vitundar.Í Leifsstöð afhenti konan kunningjakonum sínum sitt golfsettið hverri og tilkynnti þeim að spilað yrði golf úti í Mexíkó. Konurnar millilentu í Toronto í Kanada áður en til Mexíkó var komið. Þar fór konurnar þrjár að gruna að ekki væri allt með felldu. Golfsettunum var komið fyrir í afgreiðslu hótelsins í Cancun sem þær skildu ekki alveg. Þangað voru þau sótt af íslenskum manni sem hefur meðal annars hlotið átta ára dóm hér á landi fyrir fíkniefnainnflutning.Frá flugvellinum í Toronto.Vísir/GettyFóru að efast um ferðina Í framhaldinu fóru konurnar að ganga á vinkonu sína með það í hvaða leik hún hefði unnið miðana en fengu engin skýr svör. Urðu þær óttaslegnar yfir því hvaða aðstæður þær væru búnar að koma sér í og voru farnar frá Cancun, fyrr en áætlað var, eftir fimm daga dvöl. Sú sem situr í gæsluvarðhaldi fylgdi með. Í Toronto stungu konurnar þrjár vinkonuna svo af og komust í flug heim til Íslands. Vinkonan kom í framhaldinu til Íslands. Einhverjar vikur liðu þegar upplýsingar bárust lögreglu að golfsett, með kylfum sem höfðu verið fylltar af fíkniefnum, væri á leið í póstsendingu frá Cancun til Íslands með viðkomu í Toronto. Golfsettið átti að senda alla leið en var stöðvað í Kanada. Fékk konan þær upplýsingar að hún yrði að sækja settið til Kanada. Þegar þangað var komið var hún handtekin. Á svipuðum tíma var annað golfsett, einnig merkt henni, sent svipaða leið og hefur lögregla einnig lagt hald á það. Upplýsingar liggja ekki fyrri um magn fíkniefna en ætla má að það sé töluvert sem koma má fyrir í kylfum tveggja golfsetta. Samkvæmt heimildum Vísis er reiknað er með því að konan verði í gæsluvarðhaldi ytra þar til að dómur fellur í málinu. Það gæti tekið sinn tíma en til samanburðar hafa meintir fíkniefnainnflytjendur hér á landi, íslenskir sem erlendir, verið í gæsluvarðhaldi í allt að hálft ár áður en málin fara fyrir dóm. Uppfært klukkan 21:36Konan hefur verið ákærð fyrir innflutning á tæplega kílói af kókaíni til Kanada. Hún var handtekin þann 18. desember og hefur verið í gæsluvarðhaldi síðan eða í 55 daga. Hún kemur næst fyrir dómara þann 19. febrúar. Nánar hér. Tengdar fréttir Flúðu skelfingu lostnar frá Cancun Íslensk kona í gæsluvarðhaldi í Kanada. Talin hafa reynt að narra þrjár vinkonur sínar til að gerast burðardýr. Ótrúleg frásögn. 12. febrúar 2016 07:00 Mest lesið Monica Lewinsky fór flatt á því að segja satt Innlent Reiðin kraumaði við ofsaakstur á Reykjanesbraut Innlent Hljóp á eftir stungumanninum um Faxafen með innyflin lafandi út úr sér Innlent Allar rúður brotnar hjá Fiskikónginum við Sogaveg Innlent Sá sem mölvaði rúðurnar glímir við alvarleg andleg veikindi Innlent Tekist á í Stúdentaráði: „Furðulegasti fundur sem ég hef mætt á“ Innlent Magni kaupmaður látinn 88 ára að aldri Innlent Ölfusárbrú opnuð á ný eftir harðan aftanáakstur Innlent Ítarleg úttekt á þjónustu við börn með kynama þungur áfellisdómur Erlent Lýsir letilífi rándýrra hæstaréttardómara Innlent Fleiri fréttir Stungumaður þarf að dúsa inni fram að dómi Sagði upp til að annast einhverfa dóttur, vantraust á þingi og bílastæðagjöld Ræða vantrauststillögu á hendur ríkisstjórninni Skólabrú með garði á þakinu „djörf og fersk“ tillaga Hætta með safnskóla fyrir grindvísk börn Reiðin kraumaði við ofsaakstur á Reykjanesbraut Lýsir letilífi rándýrra hæstaréttardómara Hljóp á eftir stungumanninum um Faxafen með innyflin lafandi út úr sér Magni kaupmaður látinn 88 ára að aldri Húsfélag ekki skaðabótaábyrgt vegna myglu í séreign Tekist á í Stúdentaráði: „Furðulegasti fundur sem ég hef mætt á“ Fresta gildistöku kjarabóta til öryrkja til að slá á þenslu Monica Lewinsky fór flatt á því að segja satt Sá sem mölvaði rúðurnar glímir við alvarleg andleg veikindi Ölfusárbrú opnuð á ný eftir harðan aftanáakstur Öryrkjar gagnrýna frestun á lagabreytingu og FÍB vill grisja bílastæðafrumskóginn Fleiri gifta sig hjá sýslumanni en í kirkju Sagði höfuðhögg eiga að koma í veg fyrir að lögreglan fengi hann í hendurnar Landlæknir rannsaki ummæli formanns Geðlæknafélagsins Fimmtungur ánægður með störf Einars borgarstjóra Brynjar pirrar sig á undirskriftum gegn Bjarna Umferðaróhapp við Vesturlandsveg Allar rúður brotnar hjá Fiskikónginum við Sogaveg „Allir sem voru á þessum markaði spáðu því að þetta yrði svona“ „Við þurfum að fá einhver viðbrögð“ „Eðlilegt að þingið skeri stjórnina úr snörunni“ Mátti sekta mann sem lagði á eigin lóð Verðhækkanir á húsnæði framundan Deilur Persónuverndar og borgarinnar beint til Hæstaréttar Áframhaldandi hallarekstur og vantrauststillaga Sjá meira
Íslensk kona á fimmtugsaldri, sem grunuð er um aðkomu að umfangsmiklu fíkniefnasmygli frá Mexíkó til Íslands með viðkomu í Kanada, var handtekin í Toronto í desember nokkrum dögum fyrir jól. Hún hefur setið í gæsluvarðhaldi síðan og má reikna með því að hún verði í haldi þar til dómur fellur í málinu. Konan mun hafa verið í hlutverki burðardýrs en segja má að lögregluyfirvöld hafi leitt hana í gildru til þess að ná að tengja hana við fíkniefnainnflutninginn. Fór konan utan til Toronto til að sækja golfsett sem sent hafði verið með póstsendingu frá Mexíkó en verið stöðvað í Kanada. Þar var konan handtekin en kylfurnar höfðu verið fylltar af fíkniefnum. Rannsókn málsins er í höndum kanadísku lögreglunnar en var þó unnin í samstarfi við íslensk yfirvöld á fyrri stigum samkvæmt upplýsingum frá Friðriki Smára Björgvinssyni, yfirlögregluþjóni hjá lögreglunni á höfuðborgarsvæðinu. Vísir greindi frá málinu í morgun. Umrædd golfsett á leiðinni frá Íslandi í nóvember.Ævintýraleg sagaMálið allt hefur yfir sér reyfarakenndan blæ en samkvæmt heimildum Vísis tilkynnti konan þremur kunningjakonum sínum að hún hefði unnið ferð fyrir fjóra til Cancun í Mexíkó. Lúxusferð sem vinkonurnar slógu ekki hendinni á móti. Það sem þær vissu ekki var að verið var að reyna að gera þær að burðardýrum án þeirra vitundar.Í Leifsstöð afhenti konan kunningjakonum sínum sitt golfsettið hverri og tilkynnti þeim að spilað yrði golf úti í Mexíkó. Konurnar millilentu í Toronto í Kanada áður en til Mexíkó var komið. Þar fór konurnar þrjár að gruna að ekki væri allt með felldu. Golfsettunum var komið fyrir í afgreiðslu hótelsins í Cancun sem þær skildu ekki alveg. Þangað voru þau sótt af íslenskum manni sem hefur meðal annars hlotið átta ára dóm hér á landi fyrir fíkniefnainnflutning.Frá flugvellinum í Toronto.Vísir/GettyFóru að efast um ferðina Í framhaldinu fóru konurnar að ganga á vinkonu sína með það í hvaða leik hún hefði unnið miðana en fengu engin skýr svör. Urðu þær óttaslegnar yfir því hvaða aðstæður þær væru búnar að koma sér í og voru farnar frá Cancun, fyrr en áætlað var, eftir fimm daga dvöl. Sú sem situr í gæsluvarðhaldi fylgdi með. Í Toronto stungu konurnar þrjár vinkonuna svo af og komust í flug heim til Íslands. Vinkonan kom í framhaldinu til Íslands. Einhverjar vikur liðu þegar upplýsingar bárust lögreglu að golfsett, með kylfum sem höfðu verið fylltar af fíkniefnum, væri á leið í póstsendingu frá Cancun til Íslands með viðkomu í Toronto. Golfsettið átti að senda alla leið en var stöðvað í Kanada. Fékk konan þær upplýsingar að hún yrði að sækja settið til Kanada. Þegar þangað var komið var hún handtekin. Á svipuðum tíma var annað golfsett, einnig merkt henni, sent svipaða leið og hefur lögregla einnig lagt hald á það. Upplýsingar liggja ekki fyrri um magn fíkniefna en ætla má að það sé töluvert sem koma má fyrir í kylfum tveggja golfsetta. Samkvæmt heimildum Vísis er reiknað er með því að konan verði í gæsluvarðhaldi ytra þar til að dómur fellur í málinu. Það gæti tekið sinn tíma en til samanburðar hafa meintir fíkniefnainnflytjendur hér á landi, íslenskir sem erlendir, verið í gæsluvarðhaldi í allt að hálft ár áður en málin fara fyrir dóm. Uppfært klukkan 21:36Konan hefur verið ákærð fyrir innflutning á tæplega kílói af kókaíni til Kanada. Hún var handtekin þann 18. desember og hefur verið í gæsluvarðhaldi síðan eða í 55 daga. Hún kemur næst fyrir dómara þann 19. febrúar. Nánar hér.
Tengdar fréttir Flúðu skelfingu lostnar frá Cancun Íslensk kona í gæsluvarðhaldi í Kanada. Talin hafa reynt að narra þrjár vinkonur sínar til að gerast burðardýr. Ótrúleg frásögn. 12. febrúar 2016 07:00 Mest lesið Monica Lewinsky fór flatt á því að segja satt Innlent Reiðin kraumaði við ofsaakstur á Reykjanesbraut Innlent Hljóp á eftir stungumanninum um Faxafen með innyflin lafandi út úr sér Innlent Allar rúður brotnar hjá Fiskikónginum við Sogaveg Innlent Sá sem mölvaði rúðurnar glímir við alvarleg andleg veikindi Innlent Tekist á í Stúdentaráði: „Furðulegasti fundur sem ég hef mætt á“ Innlent Magni kaupmaður látinn 88 ára að aldri Innlent Ölfusárbrú opnuð á ný eftir harðan aftanáakstur Innlent Ítarleg úttekt á þjónustu við börn með kynama þungur áfellisdómur Erlent Lýsir letilífi rándýrra hæstaréttardómara Innlent Fleiri fréttir Stungumaður þarf að dúsa inni fram að dómi Sagði upp til að annast einhverfa dóttur, vantraust á þingi og bílastæðagjöld Ræða vantrauststillögu á hendur ríkisstjórninni Skólabrú með garði á þakinu „djörf og fersk“ tillaga Hætta með safnskóla fyrir grindvísk börn Reiðin kraumaði við ofsaakstur á Reykjanesbraut Lýsir letilífi rándýrra hæstaréttardómara Hljóp á eftir stungumanninum um Faxafen með innyflin lafandi út úr sér Magni kaupmaður látinn 88 ára að aldri Húsfélag ekki skaðabótaábyrgt vegna myglu í séreign Tekist á í Stúdentaráði: „Furðulegasti fundur sem ég hef mætt á“ Fresta gildistöku kjarabóta til öryrkja til að slá á þenslu Monica Lewinsky fór flatt á því að segja satt Sá sem mölvaði rúðurnar glímir við alvarleg andleg veikindi Ölfusárbrú opnuð á ný eftir harðan aftanáakstur Öryrkjar gagnrýna frestun á lagabreytingu og FÍB vill grisja bílastæðafrumskóginn Fleiri gifta sig hjá sýslumanni en í kirkju Sagði höfuðhögg eiga að koma í veg fyrir að lögreglan fengi hann í hendurnar Landlæknir rannsaki ummæli formanns Geðlæknafélagsins Fimmtungur ánægður með störf Einars borgarstjóra Brynjar pirrar sig á undirskriftum gegn Bjarna Umferðaróhapp við Vesturlandsveg Allar rúður brotnar hjá Fiskikónginum við Sogaveg „Allir sem voru á þessum markaði spáðu því að þetta yrði svona“ „Við þurfum að fá einhver viðbrögð“ „Eðlilegt að þingið skeri stjórnina úr snörunni“ Mátti sekta mann sem lagði á eigin lóð Verðhækkanir á húsnæði framundan Deilur Persónuverndar og borgarinnar beint til Hæstaréttar Áframhaldandi hallarekstur og vantrauststillaga Sjá meira
Flúðu skelfingu lostnar frá Cancun Íslensk kona í gæsluvarðhaldi í Kanada. Talin hafa reynt að narra þrjár vinkonur sínar til að gerast burðardýr. Ótrúleg frásögn. 12. febrúar 2016 07:00