Lögreglumanni fylgt til grafar

Fjölskylda, vinir og samstarfsfélagar úr lögreglunni í New York komu saman í gær til þess að minnast annars af tveimur lögreglumönnum sem féll fyrir hendi byssumanns í Brooklyn í síðustu viku. Hinn fertugi Rafael Ramos var lagður til hinstu hvílu. Hann var kvæntur, faðir tveggja drengja.

Fjöldi fólks var viðstaddur athöfnina. Ramos og samstarfsmaður hans í lögreglunni voru skotnir til bana. Byssumaðurinn hafði áður hótað því að skjóta lögreglumenn. Barack Obama, forseti Bandaríkjanna, hefur fordæmt ódæðið.