Lögregla á Ítalíu mun leggja allt í sölurnar til ađ finna morđingja bandarískrar konu

 
Erlent
22:30 10. JANÚAR 2016
Ashley Olsen og hundurinn Scout.
Ashley Olsen og hundurinn Scout. MYND/ISTAGRAM

Ríkislögreglustjóri á Ítalíu segir að allt verði lagt í sölurnar til að hafa uppi á morðingja bandarískrar konu sem fannst látin í íbúð sinni í Flórens um helgina.

Rannsókn er hafin á morðinu á hinni 35 ára Ashley Olsen sem fannst látin í rúmi í íbúð sinni síðastliðinn laugardag. Hún var með áverka á hálsi.

Lögregla segist hafa rætt við kærasta hennar, sem er ítalskur listamaður, vegna málsins en að enginn sé grunaður um verknaðinn að svo stöddu.

Olsen ólst upp í Flórída en hafði búið í Evrópu í nokkurn tíma.

Ítalskir fjölmiðlar hafa greint frá því að faðir Olsen hafi borið kennsl á líkið, en hann starfar sem kennari í skóla skammt frá.

Í frétt Sky News kemur fram að kærasti Olsen hafi óttast um hana eftir að hafa ekkert heyrt frá henni í nokkra daga og hafi hann því beðið eiganda íbúðarinnar sem Oslen leigði að hleypa sér inn. Þetta hefur ekki fengist staðfest af lögreglu.

Olsen var að sögn vina og nágrenna þekkt í hverfinu þar sem hún gekk jafnan um hverfið með beagle-hund sinn Scout.

Vonir standa til að morðmálið verði ekki endurtekning á máli Amndu Knox sem sökuð var um að hafa ásamt kærasta sínum drepið meðleigjenda sinn, Meredith Kercher, í Perugia, suður af Flórens, árið 2007. Málið vakti gríðarlega fjölmiðlaathygli og velktist lengi um í dómskerfinu áður en Knox var endanlega sýknuð á síðasta ári.


#dogwalk in #firenze #scoutthebeagle #dogdays #beaglelover #ilovethisdamndog #oltrarno #toscana #italia

A photo posted by Ashley Olsen (@ashleyannolsen) on


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Lögregla á Ítalíu mun leggja allt í sölurnar til ađ finna morđingja bandarískrar konu
Fara efst