Lög góða fólksins

Fréttablaðið Bakþankar 26. maí 2012 06:00

Brynhildur Björnsdóttir

Brynhildur Björnsdóttir skrifar:

Í kvöld ætlar kórinn minn, Heykvíslakór góða fólksins, að halda tónleika í heimahúsum þar sem athygli er vakin á jafn fúlum og ósexí hlutum og mannréttindabrotum. Kórinn hefur áður haldið tónleika við ýmis tækifæri. Við gólum fúlt á fyndna kalla, görgum margraddað inn í athugasemdakerfi fjölmiðla og samskiptasíðna með alls konar skoðanir á því sem fólk lætur þar frá sér, við leyfum okkur meira að segja að finnast ekki allir brandarar fyndnir. Okkur finnst við að sjálfsögðu hafa himin höndum tekið (af lífi) í kvöld að fá enn eitt tækifærið til að banna.

Við góða fólkið erum nefnilega valdamesta fólk í heimi. Sumir segja að við þurfum ekki annað en að benda á það sem okkur finnst athugavert og þar með sé það bannað. Ef við gagnrýnum opinberar skoðanir eða listaverk einhvers höfum við skert tjáningarfrelsi viðkomandi svo hann á ekkert eftir nema þjáningarfrelsi hins hörundsára snillings sem hættir að þora að tjá sig á hnyttinn og ögrandi hátt af ótta við að einhver hafi á því skoðun. Samkvæmt ákveðinni orðræðu tökum við fólk meira að segja af lífi, án dóms og laga, einungis með því að benda á eitthvað sem það hefur sagt og gert opinberlega. Áfram kvíslakór!!!

Tjáningarfrelsið eru mikilvæg mannréttindi. Og við góða fólkið þurfum svo sannarlega að gæta okkar áður en við beitum því til þess að viðra skoðanir okkar á mönnum og málefnum. Því auðvitað mega allir segja allt. Alltaf. Nema náttúrlega þeir sem hafa skoðanir á skoðunum og tjáningu annarra. Tjáningarfrelsið er ekki fyrir þá, enda eru þeir oftast bara fúlir og leiðinlegir og kunna ekki að meta gott grín. En það að tjá sig opinberlega hlýtur að kalla á viðbrögð opinberlega, annars færi tjáningin fram í einrúmi, er það ekki?

Ég vil að lokum taka undir orð konu sem ég met mjög mikils: „Eigi valdir einstaklingar eða hópar að vera undanþegnir tjáningarfrelsinu, hvort sem það er á forsendum virðingar, hefða, trúarbragða eða pólitískrar rétthugsunar, getum við allt eins lagt það af." Heykvíslakórinn á rétt á að gera athugasemdir við opinbera hegðun, atferli, framkomu og orðræðu sem honum finnst þörf á að gera athugasemdir við, eins og aðrir.

Tjáningarfrelsi okkar góða fólksins, sem nær ekkert lengra en tjáningarfrelsi annarra hvað varðar aftökur eða lagasetningar, ber líka að virða. Í tjáningarfrelsi felst að allir megi segja sína skoðun. Líka góða fólkið.

Til baka

Gummi Ben hitti hressa stuðningsmenn Dortmund

Lög góða fólksins

Mest lesið

Illugi Gunnarsson: Þú kannski flytur ræðu, það væri æðislegt

Afþakkaði aðstoð eftir endurlífgun - sjúkraflutningamenn hringdu í ræðismann

Ríkislögreglustjóri leigir flugvél undir 50 flóttamenn frá Króatíu

Bílaleigubílarnir í ágætu standi - einkabílarnir ekki

Búið að finna hvað olli banaslysi í Þjórsárdal

Ný aðflugsljós við Ægisíðu nauðsynleg segir Jón Gnarr

Ættleidd ungmenni í leit að uppruna sínum

„Háskólinn tekur ekki tillit til fatlaðra“

Gegnsæ göng í stað brúarinnar

Köfunarslys í Silfru

Van Persie sendi Piers Morgan áritaða mynd af sér

Aron og Hjörtur sáu um Fjölni

Phil Jackson: Tæki Bill Russell á undan Jordan

Uppgjafarglímumót hjá Mjölni á morgun

Á Dortmund einhverja möguleika?

Rúnar frábær í sigri Grosswallstadt

Óvenjuleg upphitun | Myndband

Ísland gæti lent með Gíbraltar í riðli í næstu undankeppni

Ógeðfelldur fréttaflutningur

Axel og Guðrún leiða á Garðavelli

Töfraði stelpurnar í háskólanum upp úr skónum

Valitor sagði upp sex starfsmönnum

Dómsdags fjárfestar veðja á stórt markaðshrun

Rennir stoðum undir sjávarútveg

Audi framúr BMW í Indlandi

Starfsmenn Seðlabankans á hjólum í vinnuna

Þorgerður Katrín ráðin til Samtaka atvinnulífsins

Suzuki áreiðanlegastur

Nissan Leaf prófaður í Noregi

Geimflaugaskotpallur NASA til leigu í Flórída

Reynir að losna við þriggja milljarða húsið

Ljótustu sandalarnir

Leita að rokkaðasta húðflúrinu

Skrifaði bréf til Rússlands

Umvafin karlmönnum

Hraðamet í Bretlandi

Ég vil ekki vera horuð

Eftirminnilegustu tónleikarnir með Múm

Brúðkaup og nýtt hús

Hressir þættir um íslenskt mál

Af hverju er ég leikskólakennari?

Síðasta grein fjallkonunnar

Húsverndarráðherrann

Ríkisstjórn nýrrar kynslóðar

Í leit að glötuðum tíma

Engar eyjar í netheimum

Halldór 24.05.2013

Raunhæfar tillögur um umbætur í opinberri þjónustu

Borgarráð niðurgreiðir daggæslu í öðrum sveitarfélögum

Með hvað er verið að sýsla?

Vísir.is

365