Liverpool nældi í efnilegan Brassa

Liverpool hefur fest kaup á Allan, efnilegum brasilískum leikmanni frá Internacional.

Allan, eða Allan Rodrigues de Souza eins og hann heitir fullu nafni, hefur æft með Liverpool að undanförnu og var í leikmannahópi liðsins þegar það vann 0-2 sigur á HJK í æfingaleik í Helsinki í dag.

Talið er að Liverpool hafi borgað Internacional 500.000 pund fyrir Allan sem leikur sem framliggjandi miðjumaður.

Hjá Liverpool hittir Allan fyrir landa sína Philippe Coutinho, Lucas Leiva og Roberto Firmino.