Listaverkið fer í sveig upp vitann Elín Albertsdóttir skrifar 29. júní 2016 11:00 Þessi mynd var tekin þegar Jónína var að setja upp listaverkið í vitanum. Jónína Guðnadóttir listakona opnar allsérstæða sýningu í vitanum á Akranesi á föstudag. Sýningin kallast BREIÐ og dregur nafn sitt af Breiðinni þar sem vitinn stendur. Sýningin hefur verið tvö ár í smíðum. Jónína segir að þetta hafi verið skemmtilegt ferli. Hugmyndin hafi kviknað þegar hún var stödd í vitanum ásamt fermingarsystkinum sínum árið 2014. „Ég hafði ekki komið í vitann frá því ég var smástelpa. Það var ótrúleg tilfinning sem ég varð fyrir þar sem ég stóð í miðjum stiga á milli hæða. Mig hefur alltaf langað til að gera eitthvað óhefðbundið og fékk þessa bráðsnjöllu hugmynd. Vitinn höfðaði strax til mín og ég hugsaði með mér að þarna vildi ég hafa sýningu,“ greinir hún frá. „Ég ólst upp á Akranesi frá fjögurra ára aldri og þarna liggja rætur mínar. Við bjuggum við ströndina og hún var mitt leiksvæði. Vitinn heillaði mig. Ég veit hins vegar ekki til þess að haldin hafi verið sýning í gegnum heilan vita áður,“ segir Jónína. „Þetta er eitt verk sem heitir Breið og það fer alla leið upp í loft,“ bætir hún við.Listaverkið nær 35 metra upp eftir vitanum.Jónína hefur verið að undirbúa sýninguna af miklum krafti undanfarið en það er flókið mál að hengja upp listaverk á óvenjulegum stað. „Verkið fer í sveig í gegnum vitann og er 35 metrar. Þeir sem ekki treysta sér til að ganga upp geta skoðað sýninguna á neðstu hæð en þar er ég jafnframt með myndband frá efri hæðum. Að auki verð ég með slide-myndasýningu um aðdraganda sýningarinnar. Sú myndasýning hefur verið unnin á átta mánuðum, þar á meðal á vinnustofu minni.“Hringrás lífsins Jónína leitar til hafsins og fjörunnar í hugmyndavinnunni. „Mínar bernskuminningar koma fram í sýningunni sem speglar hringrás lífsins við fjöruborðið. Á fyrstu hæðinni eru fiskar, sjávardýr, skeljar og kuðungar. Á næstu hæð er fjaran og fuglar sem þar dvelja. Síðan er efsta hæðin með farfuglunum sem eru að fljúga burt. Hugsunin er flóð, fjara og fuglar,“ útskýrir Jónína sem segist hafa byrjað undirbúning fyrir tveimur árum. „Útfærslan var töluverð heilabrot. Ég breytti engu í vitanum, mig langaði að hafa sýninguna í þessu grófa umhverfi og þurfti því að laga mig að því. Þetta er búin að vera einstaklega skemmtileg vinna.“Jónína sækir innblástur til fjörunnar í kringum vitann.Ströndin heillar Ekki er ólíklegt að upphaflega hafi ströndin orðið Jónínu innblástur til frekari listsköpunar. Hún segir í sýningarskrá að leikir í fjörunni hafi verið endalaus uppspretta verkefna þegar hún var á barnsaldri. „Ég hafði mikla þörf fyrir að teikna, raða saman fjörusteinum og byggja úr þeim ýmis mynstur og götur. Einnig þótti mér mikil upplifun að sjá hafið og fjöruborðið, sérstaklega er mér minnisstætt þegar það sem ég var að bauka við skolaðist burt í aðfalli og eftir var slétt, blaut og yndisleg fjaran, ósnortin eins og í upphafi og tilbúin fyrir næstu tilraunir.“ Sýningin opnar á föstudaginn 1. júlí n.k. kl. 16:00 og lýkur 30. ágúst. Verk Jónínu eru meðal annarra skúlptúrinn Himnaríki á Jaðarsbökkum á Akranesi og umhverfisverkið Hringiða við Kárahnjúka. Mest lesið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Páll Óskar genginn í það heilaga: „Besti dagur lífs okkar“ Lífið Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Hjólhýsabyggðin á Laugarvatni og Húsið á Eyrarbakka Lífið Kastast í kekki milli Carragher og kærastans Lífið Bein útsending: Veglegir vinningar í páskabingói Blökastsins Lífið Arnar Grant og Vítalía á kaffihúsi og RÚV þrenna í miðborginni Lífið Handboltagoðsögn selur glæsihús í Garðabæ Lífið Fleiri fréttir Hjólhýsabyggðin á Laugarvatni og Húsið á Eyrarbakka „Þetta var svolítið biblíuleg mynd“ Bein útsending: Heimir Guðjóns og Höddi Magg í einvígi aldarinnar Kappakstur milli Hjálmars og Magneu Tískan sýndi trúnaðarbrest í hruninu Páll Óskar genginn í það heilaga: „Besti dagur lífs okkar“ Kastast í kekki milli Carragher og kærastans Veltir fyrir sér hvort hann sé dottinn úr tísku Óhefðbundinn páskamatseðill að hætti Sigurðar Laufdal á OTO Knattspyrnufólk og bransastjörnur fjölmenntu í bíó Líkt við apa og klappað eins og hundi Barnalán hjá Batman Svar við spurningu lesanda: Hvað má fróa sér oft í viku? „Ég get ekki gert upp á milli barna“ Þingforseti, borgarfulltrúi og Frikki Dór í fjölmennu útgáfuhófi Handboltagoðsögn selur glæsihús í Garðabæ Bein útsending: Veglegir vinningar í páskabingói Blökastsins Ætlaði sér alltaf að verða leikari Júlí Heiðar og Þórdís eiga von á stelpu: „Djöfull var ég tekin“ Sacha Baron Cohen æfareiður út í Rebel Wilson Chess After Dark strákarnir boða til einvígis aldarinnar Arnar Grant og Vítalía á kaffihúsi og RÚV þrenna í miðborginni Fjandinn laus þegar málshættina vantar Palli snöggreiddist þegar hann var sakaður um að hafa verið tjokkó Undurfagrar páskaskreytingar Keypti íbúðina af huggulegustu hommum landsins Myndaveisla: Bjarni Ben skálaði fyrir einstökum Audi Eyþór stillti Eivøru upp við vegg og lét hana flytja lagið Running Up That Hill „Harry Klein“ er látinn Stjörnulífið: Hlustendaverðlaunin, ferðalög og afmælisgleði Sjá meira
Jónína Guðnadóttir listakona opnar allsérstæða sýningu í vitanum á Akranesi á föstudag. Sýningin kallast BREIÐ og dregur nafn sitt af Breiðinni þar sem vitinn stendur. Sýningin hefur verið tvö ár í smíðum. Jónína segir að þetta hafi verið skemmtilegt ferli. Hugmyndin hafi kviknað þegar hún var stödd í vitanum ásamt fermingarsystkinum sínum árið 2014. „Ég hafði ekki komið í vitann frá því ég var smástelpa. Það var ótrúleg tilfinning sem ég varð fyrir þar sem ég stóð í miðjum stiga á milli hæða. Mig hefur alltaf langað til að gera eitthvað óhefðbundið og fékk þessa bráðsnjöllu hugmynd. Vitinn höfðaði strax til mín og ég hugsaði með mér að þarna vildi ég hafa sýningu,“ greinir hún frá. „Ég ólst upp á Akranesi frá fjögurra ára aldri og þarna liggja rætur mínar. Við bjuggum við ströndina og hún var mitt leiksvæði. Vitinn heillaði mig. Ég veit hins vegar ekki til þess að haldin hafi verið sýning í gegnum heilan vita áður,“ segir Jónína. „Þetta er eitt verk sem heitir Breið og það fer alla leið upp í loft,“ bætir hún við.Listaverkið nær 35 metra upp eftir vitanum.Jónína hefur verið að undirbúa sýninguna af miklum krafti undanfarið en það er flókið mál að hengja upp listaverk á óvenjulegum stað. „Verkið fer í sveig í gegnum vitann og er 35 metrar. Þeir sem ekki treysta sér til að ganga upp geta skoðað sýninguna á neðstu hæð en þar er ég jafnframt með myndband frá efri hæðum. Að auki verð ég með slide-myndasýningu um aðdraganda sýningarinnar. Sú myndasýning hefur verið unnin á átta mánuðum, þar á meðal á vinnustofu minni.“Hringrás lífsins Jónína leitar til hafsins og fjörunnar í hugmyndavinnunni. „Mínar bernskuminningar koma fram í sýningunni sem speglar hringrás lífsins við fjöruborðið. Á fyrstu hæðinni eru fiskar, sjávardýr, skeljar og kuðungar. Á næstu hæð er fjaran og fuglar sem þar dvelja. Síðan er efsta hæðin með farfuglunum sem eru að fljúga burt. Hugsunin er flóð, fjara og fuglar,“ útskýrir Jónína sem segist hafa byrjað undirbúning fyrir tveimur árum. „Útfærslan var töluverð heilabrot. Ég breytti engu í vitanum, mig langaði að hafa sýninguna í þessu grófa umhverfi og þurfti því að laga mig að því. Þetta er búin að vera einstaklega skemmtileg vinna.“Jónína sækir innblástur til fjörunnar í kringum vitann.Ströndin heillar Ekki er ólíklegt að upphaflega hafi ströndin orðið Jónínu innblástur til frekari listsköpunar. Hún segir í sýningarskrá að leikir í fjörunni hafi verið endalaus uppspretta verkefna þegar hún var á barnsaldri. „Ég hafði mikla þörf fyrir að teikna, raða saman fjörusteinum og byggja úr þeim ýmis mynstur og götur. Einnig þótti mér mikil upplifun að sjá hafið og fjöruborðið, sérstaklega er mér minnisstætt þegar það sem ég var að bauka við skolaðist burt í aðfalli og eftir var slétt, blaut og yndisleg fjaran, ósnortin eins og í upphafi og tilbúin fyrir næstu tilraunir.“ Sýningin opnar á föstudaginn 1. júlí n.k. kl. 16:00 og lýkur 30. ágúst. Verk Jónínu eru meðal annarra skúlptúrinn Himnaríki á Jaðarsbökkum á Akranesi og umhverfisverkið Hringiða við Kárahnjúka.
Mest lesið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Páll Óskar genginn í það heilaga: „Besti dagur lífs okkar“ Lífið Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Hjólhýsabyggðin á Laugarvatni og Húsið á Eyrarbakka Lífið Kastast í kekki milli Carragher og kærastans Lífið Bein útsending: Veglegir vinningar í páskabingói Blökastsins Lífið Arnar Grant og Vítalía á kaffihúsi og RÚV þrenna í miðborginni Lífið Handboltagoðsögn selur glæsihús í Garðabæ Lífið Fleiri fréttir Hjólhýsabyggðin á Laugarvatni og Húsið á Eyrarbakka „Þetta var svolítið biblíuleg mynd“ Bein útsending: Heimir Guðjóns og Höddi Magg í einvígi aldarinnar Kappakstur milli Hjálmars og Magneu Tískan sýndi trúnaðarbrest í hruninu Páll Óskar genginn í það heilaga: „Besti dagur lífs okkar“ Kastast í kekki milli Carragher og kærastans Veltir fyrir sér hvort hann sé dottinn úr tísku Óhefðbundinn páskamatseðill að hætti Sigurðar Laufdal á OTO Knattspyrnufólk og bransastjörnur fjölmenntu í bíó Líkt við apa og klappað eins og hundi Barnalán hjá Batman Svar við spurningu lesanda: Hvað má fróa sér oft í viku? „Ég get ekki gert upp á milli barna“ Þingforseti, borgarfulltrúi og Frikki Dór í fjölmennu útgáfuhófi Handboltagoðsögn selur glæsihús í Garðabæ Bein útsending: Veglegir vinningar í páskabingói Blökastsins Ætlaði sér alltaf að verða leikari Júlí Heiðar og Þórdís eiga von á stelpu: „Djöfull var ég tekin“ Sacha Baron Cohen æfareiður út í Rebel Wilson Chess After Dark strákarnir boða til einvígis aldarinnar Arnar Grant og Vítalía á kaffihúsi og RÚV þrenna í miðborginni Fjandinn laus þegar málshættina vantar Palli snöggreiddist þegar hann var sakaður um að hafa verið tjokkó Undurfagrar páskaskreytingar Keypti íbúðina af huggulegustu hommum landsins Myndaveisla: Bjarni Ben skálaði fyrir einstökum Audi Eyþór stillti Eivøru upp við vegg og lét hana flytja lagið Running Up That Hill „Harry Klein“ er látinn Stjörnulífið: Hlustendaverðlaunin, ferðalög og afmælisgleði Sjá meira