Viðskipti innlent

Lindex opnar nýja verslun í Kringlunni

Sýnishorn af kventískufatnaði Lindex
Sýnishorn af kventískufatnaði Lindex Mynd/Lindex
Lindex mun opna nýja verslun í Kringlunni 15. nóvember nk. kl. 12 í verslunarrýminu þar sem Adidas- búðin var áður. Einnig mun sérstök undirfataverslun opna þann 4. október. Heildarverslunarrými Lindex í Kringlunni verður yfir 700 fermetrar við þessar breytingar.  

Heildarvörulína kvenfatnaðar frá Lindex verður í fyrsta sinn fáanleg á Íslandi í nýju versluninni í Kringlunni.

Hönnun verslunarinnar mun vera öðruvísi háttað en í öðrum verslunum Lindex á landinu þar sem skandínavískur einfaldleiki verður í fyrirrúmi „í bland við liti og lýsingu sem miða að því að skapa tískuupplifun á heimsmælikvarða,“ eins og segir í tilkynningu.






Fleiri fréttir

Sjá meira


×