MIĐVIKUDAGUR 25. MAÍ NÝJAST 07:45

Samningaviđrćđur United og Mourinho halda áfram í dag

SPORT

Liđiđ sem tapađi fyrir Íslandi gćti komist í undanúrslit EM í kvöld

 
Handbolti
14:30 25. JANÚAR 2016
Alexander Petersson í leiknum á móti Noregi.
Alexander Petersson í leiknum á móti Noregi. VÍSIR/EPA

Norðmenn hafa unnið þrjá leiki í röð á EM í handbolta í Póllandi og gætu tryggt sér sæti í undanúrslitum í kvöld verði úrslit beggja leikja þeim hagstæð.

Norðmenn mæta þá Makedóníumönnum en Makedónía hefur tapað báðum sínum leikjum í milliriðlinum og á ekki möguleika á því að komast í hóp átta efstu liðanna í Evrópumótinu.

Norðmenn tryggja sér sæti í undanúrslitum á EM ef þeir vinna Makedóníu í kvöld og Pólverjar tapa stigum á móti Hvíta Rússlandi í leiknum á eftir. Það er þó líklegra að allt saman ráðist í lokumferðinni á miðvikudaginn.

Það hefur margt breyst hjá norska liðinu sem tapaði fyrir Íslandi í fyrsta leik en hefur síðan unnið alla leiki sína.

Norðmenn hafa unnið bæði Króatíu og Pólland í keppninni og eru því með betri innbyrðisstöðu gegn þeim. Króatía og Pólland eru bæði með fjögur stig í milliriðlinum eða tveimur stigum minna en Frakkland og Noregur sem eru efst og jöfn.

Frakkar eiga bara eftir leik gegn Noregi og Króatar eiga bara eftir leik á móti Póllandi. Króatar geta því aldrei komist upp fyrir Norðmenn en það geta Pólverjar sem eiga eftir tvo leiki eftir eins og Noregur.

Pólland vann Frakkland í riðlakeppninni og því gæti svo farið að Frakkland, Noregur og Pólland verði öll jöfn að stigum og með einn sigur hvert í innbyrðisleikjum. Hvert mark gæti því skipti miklu máli í leik Norðmanna og Frakka í lokumferðinni.

Ef Norðmenn og Pólverjar vinna leiki sína í dag þá þarf eitthvað að eftirtöldu að ganga upp hjá Norðmönnum ætli þeir að keppa um verðlaun í fyrsta sinn.

- Noregur nær í stig á móti Frakklandi
- Noregur tapar með fjórum mörkum eða minna á móti Frakklandi
- Pólland tapar stigi á móti Króatíu


Norđmenn fagna sigri á móti Póllandi.
Norđmenn fagna sigri á móti Póllandi. VÍSIR/EPA


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Handbolti / Liđiđ sem tapađi fyrir Íslandi gćti komist í undanúrslit EM í kvöld
Fara efst