Formúla 1

Lewis Hamilton á ráspól í Kanada

Kristinn Ásgeir Gylfason skrifar
Lewis Hamilton átti daginn í Kanada.
Lewis Hamilton átti daginn í Kanada. Vísir/Getty
Lewis Hamilton á Mercedes var fljótastur í tímatökunni í dag. Liðsfélagi hans, Nico Rosberg varð annar og Sebastian Vettel á Ferrari varð þriðji.

Ferrari virkar nálægt Mercedes og keppnin á morgun verður því spennandi á morgun.

Það ringdi fyrr í dag í Kanada, brautin var því hrein og lítið grip. Brautin batnaði því þegar leið á lotuna. Spurningin var því eiginlega hver yrði síðastur yfir línuna.

Í fyrstu lotu duttu út Manor-, Sauber- og Renault ökumennir. Lotan endaði á því að Rio Haryanto á Manor lenti á varnarvegg.

Carlos Sainz lenti á meistaraveggnum í upphafi annarrar lotu, hann hætti þátttöku í tímatökunni. Tímatakan var stöðvuð á meðan bíllinn var fjarlægður og bruatin hreinsuð. Meistaraveggurinn er viðurnefni á varnarvegg á ráskafla brautarinnar í Kanada. Vegggurinn er frægur fyrir það að binda enda á vonir heimsmeistara.

Carlos Sainz daðraði um of við meistaravegginn.Vísir/Getty
Sergio Perez á Force India, Jenson Button á McLaren og Toro Rosso ökumennirnir ásamt Haas ökumönnunum.

Fyrsta atlaga ökumanna í þriðju lotu var afar spennandi. Munurinn á Hamilton sem var fljótastur og Rosberg sem var annar var 0,062 sekúndur. Max Verstappen var þriðji um tíma á Red Bull bílnum.

Vettel stal þriðja sætinu af Verstappen og endaði tæpum tveimur tíundu á eftir Hamilton. Rosberg gerði mistök á sínum loka hring og hætti við að klára hann.

Bein útsending frá keppninni hefst klukkan 17:30 á morgun á Stöð 2 Sport.

Hér fyrir neðan má sjá öll úrslit helgarinnar.


Tengdar fréttir

Hamilton fljótastur á báðum æfingum

Lewis Hamilton, á Mercedes var fljótastur á báðum æfingum dagsins fyrir kanadíska kappaksturinn. Felipe Massa lenti harkalega á varnarvegg í fyrstu beygju á fyrri æfingunni.

Massa horfir til Formúlu E og þolkappaksturs

Felipe Massa segir að hann myndi horfa til þess að ná í sæti í Formúlu E bíl eða WEC, heimsmeistarakeppninnar í þolakstri ef hann hefði ekki samkeppnishæft sæti í Formúlu 1.




Fleiri fréttir

Sjá meira


×