Fótbolti

Lewandowski og Muller báðir með tvö í sigri Bayern

Dagur Lárusson skrifar
Úr leiknum í dag.
Úr leiknum í dag. vísir/getty
Robert Lewandowski og Thomas Muller skoruðu tvö mörk hvor í sigri Bayern Munchen á Werder Bremen í þýsku deildinni í dag.

Það voru þó liðsmenn Werder Bremen sem skoruðu fyrsta mark leiksins en það var Jerome Gondorf sem skoraði markið eftir flottan undirbúning Max Kruse en markið kom á 25. mínútu.

Við þetta mark vöknuðu heimamenn og náðu þeir að jafna skömmu fyrir leikhlé en þar var á ferðinni Thomas Muller og var staðan því 1-1 í leikhlé.

Það var jafnræði með liðunum til að byrja með í seinni hálfleiknum en það var þó Bayern sem náði forystunni á 63. mínútu með marki frá Robert Lewandowski. Það tók ekki langan tíma fyrir Werder Bremen að jafna en það gerðist aðeins átta mínútum seinna en þá var það Niklas Sule sem varð fyrir því óláni að skora sjálfsmark.

Eftir þetta mark tók Bayern öll völdin á vellinum og náði forystunni á nýjan leik aðeins tveimur mínútum seinna en þá skoraði Lewandwoski sitt annað mark.

Thomas Muller skoraði síðan sitt annað mark á 84. mínútu og innsiglaði sigur Bayern.

Með sigrinum fer Bayern í 47 stig á toppi þýsku deildarinnar.




Fleiri fréttir

Sjá meira


×