FIMMTUDAGUR 23. MARS NÝJAST 16:15

Hrafnhildur býđur sig fram í stjórn Sundsambandsins

SPORT

Leita ađ Arturi á svćđinu frá Gróttu og ađ Nauthólsvík

 
Innlent
09:48 18. MARS 2017
Björgunarsveitarfólk mun notast viđ dróna og slöngubáta viđ leitina í dag.
Björgunarsveitarfólk mun notast viđ dróna og slöngubáta viđ leitina í dag. VÍSIR/EYŢÓR

Leit að Arturi Jarmoszko, 26 ára karlmanni sem hefur verið saknað síðan um mánaðamótin, mun hefjast klukkan hálf tvö í dag. Miðað verður við svæðið frá Gróttu og að Nauthólsvík og mun björgunarsveitarfólk notast við dróna og slöngubáta við leitina.


Miđađ er viđ svćđiđ frá Gróttu og ađ Nauthólsvík viđ leitina í dag.
Miđađ er viđ svćđiđ frá Gróttu og ađ Nauthólsvík viđ leitina í dag. LOFTMYNDIR EHF.

Arturs hefur verið saknað í sautján daga en samkvæmt nýjustu upplýsingum lögreglunnar á höfuðborgarsvæðinu sást hann síðast í eftirlitsmyndavélum ganga frá Suðurgötu í átt að Háskóla Íslands.

Þriðjudagskvöldið 28. febrúar hafði hann farið einn síns liðs í Laugarásbíó en hann fór þangað með strætó. Að bíóferðinni lokinni fór hann niður í bæ þar sem hann sást taka pening úr hraðbanka. Þaðan gekk hann út Suðurgötu klukkan eitt um nóttina.

Símamastur við Kársnes greindi síðast merki úr síma Arturs og hófu björgunarsveitarmenn og lögregla skipulagða leit á því svæði um síðustu helgi.


Artur Jarmoszko, en hans hefur veriđ saknađ frá mánađamótu.
Artur Jarmoszko, en hans hefur veriđ saknađ frá mánađamótu.

Ákvörðun um leit í dag á svæðinu frá Gróttu og að Nauthólsvík er tekin út frá þeim upplýsingum að símamastur í Kársnesi greindi síðast merki úr síma hans.

Þorsteinn G. Gunnarsson, upplýsingafulltrúi Slysavarnafélagsins Landsbjargar, segir í samtali við Vísi að aðgerðirnar í dag verði ekki mannfrekar en engar vísbendingar eru um ferðir Arturs aðrar en þessi símagögn sem stuðst er við í dag.

Í kvöldfréttum Stöðvar 2 í gær var greint frá því að fari svo að leit að Arturi um helgina beri ekki árangur verður fundað um málið á mánudag. Þar kom jafnframt fram að ekki var lýst eftir Arturi fyrr en viku eftir að hann hvarf og slóðin því farin að kólna.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Leita ađ Arturi á svćđinu frá Gróttu og ađ Nauthólsvík
Fara efst