FÖSTUDAGUR 27. MAÍ NÝJAST 14:04

Símaskráin ađ klárast

FRÉTTIR

Umfjöllun og viđtöl: Tindastóll - ÍR 79-68 | Sigurganga Stólanna heldur áfram á nýju ári

 
Körfubolti
21:45 07. JANÚAR 2016
José María Costa er búinn ađ koma Stólunum á sigurbraut.
José María Costa er búinn ađ koma Stólunum á sigurbraut. VÍSIR/ERNIR
Ísak Óli Traustason á Sauđárkróki skrifar

Það var ekki mikið um dýrðir þegar að Tindastóll vann sigur á ÍR í Síkinu á Sauðárkróki í kvöld 79–68.
Menn voru heldur ryðgaðir eftir jólafríð í byrjun leiks , heimamenn leiddu þó eftir fyrsta fjórðung naumlega 18–17. Það var boðið upp á sömu rólegheitin í öðrum fjórðung og leiddu heimamenn leikinn í hálfleik 36-32.

Jonathan Mitchell, leikmaður ÍR var manna hressastur hjá gestunum í fyrri hálfleik og Jerome Hill var góður hjá heimamönnum.

Leikurinn hélt áfram að vera jafn og spennandi þó að hraðinn væri ekki upp á marga fiska og leiddu heimamenn áfram eftir þriðja leikhluta 56–53.

Tindastóll reyndust þó sterkari í lokafjórðungnum og leikmenn og sigruðu hann 23–15 og því reyndust lokatölur í leiknum verða 79–68 fyrir heimamenn.

Leikmannahópur ÍR var heldur þunnur og þurftu byrjunarliðsmenn nánast að spilla allan leikinn, þeir sýndu þó frábæra baráttu gegn breiðum hóp heimamanna. Hjá ÍR endaði Jonathan Mitchell glimrandi góðan leik sinn með 26 stig og 7 fráköst, Sveinbjörn Claessen átti einnig góðan leik með 18 stig, aðrir komust ágætlega frá sínu.

Hjá heimamönnum var Jerome Hill með tvöfalda tvennu, 25 stig og 12 fráköst. Darrel Lewis skilaði sínu með 17 stig, 5 fráköst og 3 stoðsendingar og Pétur Rúnar Birgisson var góður í kvöld með 15 stig, 5 stoðsendingar og 3 fráköst. Darrell Flake kom einnig sterkur inn af bekknum og setti niður góðar körfur í lok leiks.

Eftir leikinn eru Stólarnir í 7. sæti með 14 stig en liðin í sæti 3 -7 eru öll með 14 stig. ÍR eru í 10. sæti með 8 stig.


Helgi: Menn voru ennþá með jólasteikina

Helgi Rafn Viggósson, fyrirliði Tindastóls var að vonum ánægður með sigurinn í kvöld ,,menn voru ennþá með jólasteikina held ég bara, þetta var ljótur sigur en sigur og við tökum það”, sagði Helgi.

„Við spiluðum ágætis varnarleik á móti þeim og við ætluðum að halda Mitchell miklu neðar í stigaskori en þeir skora ekki nema 68 stig sem lið og það er flott”, sagði Helgi.

Aðspurður út í þunnan leikmannahóp gestanna sagði Helgi: „Það var búið að tala svolítið um það að keyra á þá og ef að þetta yrði jafn leikur þá myndum við síga fram úr í fjórða og við gerðum það”.

„Við höldum bara okkar striki og höldum áfram að æfa og förum í næsta leik á föstudaginn næsta”, sagði Helgi að lokum.


Borce: Úrslitin gefa ekki rétta mynd af leiknum

Borce Ilievski, þjálfari ÍR hafði eftirfarandi að segja um leikinn við blaðamann. „Þetta var erfiður leikur, Tindastóll eru með eitt besta liðið í deildinni, ég bjóst við erfiðum leik”.

Hann var þó ánægður með spilamennsku sinna manna „Ég er mjög ánægður með leik minna manna, við spiluðum jafnan leik og úrslit hans gefa ekki rétta mynd af leiknum”, sagði Borce.

„Við hittum ekki úr stóru skotunum og vorum ekki að nýta vítin okkar og við verðum að bæta það”, sagði Borce og bætti því við að hann væri bjartsýnn á framhaldið.

„Eitt af vandamálunum er það hversu þunnan hóp og við vorum orðnir þreyttir í lokin”, sagði Borce. Aðspurður út í það hvort að hann væri að leita að leikstjórnanda svaraði hann ,,við vorum að vonast eftir einhverju en það kom ekkert, ég ætla að einbeita mér að hópnum sem að ég er með núna”.


Costa: Verðum að vera ánægðir með sigurinn

„Þetta er fyrsti leikur eftir jól og við voru ekki í takt við leikinn, við vorum hægir í sóknarleiknum og vorum að gleyma því hvernig við eigum að spila kerfin í sókninni”, sagði Joe Costa, þjálfari Tindastóls eftir leikinn í kvöld.

„Þetta var ekki góður leikur fyrir augað en við verðum að vera ánægðir með sigurinn og spila betur í næsta leik”, sagði Costa.

„Þeir komu vel undirbúnir í þennan leik og þeir erum með flottan þjálfara sem að undirbýr sig vel fyrir leiki og við áttum fá svör við varnarleik þeirra”, sagði spænski þjálfarinn.

„Við reyndum að dreifa álaginu á leikmennina okkar og það skilaði sér að lokum, Flake kom sterkur inn og Lewis var góður í lokin”, sagði Costa og bætti því við að ,,það þarf stundum smá heppni til þess að vinna leiki og við vorum með hana í endann”.


 
Textalýsingu frá leik Tindastóls og ÍR má finna hér fyrir neðan:



Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Körfubolti / Umfjöllun og viđtöl: Tindastóll - ÍR 79-68 | Sigurganga Stólanna heldur áfram á nýju ári
Fara efst