Körfubolti

LeBron í úrslit sjötta árið í röð | Sjáðu tryllt tilþrif kóngsins

Tómas Þór Þórðarson skrifar
LeBron James og félagar í Cleveland Cavaliers fá tækifæri til að hefna fyrir tapið gegn Golden State Warriors í lokaúrslitum NBA-deildarinnar í fyrra en liðin mætast annað árið í röð í úrslitum.

Cleveland kláraði Toronto, 4-2, um síðustu helgi en Golden State tryggði sér 4-3 sigur á Oklahoma City Thunder með því að vinna Kevin Durant og hans menn í oddaleik í nótt.

Þetta er sjötta árið í röð sem LeBron James kemst í lokaúrslit NBA-deildarinnar. Hann fór fjögur ár í röð með Miami Heat og vann tvisvar sinnum; 2012 og 2013, en tapaði fyrir Dallas Mavericks 2011 og San Antonio Spurs 2014.

Eftir að snúa aftur heim til Cleveland fór LeBron í úrslitin í fyrra þar sem Cavaliers var án Kyrie Irving og Kevin Love. Golden State átti ekki í miklum vandræðum með að leggja meiðslum hrjáð lið Cleveland, 4-1.

Youtube-síða NBA-deildarinnar er búin að taka saman flottustu tilþrif LeBron James frá síðustu sex úrslitarimmum austurdeildarinnar en þar má sjá nokkur tryllt tilþrif kóngsins.

Tilþrifamyndbandið má sjá hér að ofan en hér að neðan má sjá LeBron í flottu viðtali eftir sigurinn í Toronto um síðustu helgi.

NBA

Tengdar fréttir

LeBron þakklátur manninum að ofan

LeBron James, stórstjarna Cleveland Cavaliers, var hrærður í nótt eftir að liðið tryggði sér sæti í úrslitaleik NBA eftir sigur á Toronto Raptors í sjötta leik liðanna. Þetta er sjötti úrslitaleikur LeBron á sex árum.




Fleiri fréttir

Sjá meira


×