Formúla 1

Lauda: Rosberg þarf að treysta á mistök hjá Hamilton

Kristinn Ásgeir Gylfason skrifar
Nico Rosberg og Niki Lauda ræða málin.
Nico Rosberg og Niki Lauda ræða málin. Vísir/Getty
Nico Rosberg þarf að treysta á að Lewis Hamilton geri mistök ef hann á að hafa betur, segir ráðgjafi Mercedes, Niki Lauda.

Hamilton hefur unnið sex keppnir á tímabilinu en Rosberg þrjár. Hamilton leiðir heimsmeistarakeppni ökumanna en Rosberg er annar þar, 28 stigum á eftir liðsfélaga sínum.

Rosberg hefur einungis einu sinni haft betur í baráttunni með því að aka einungis hraðar, það var í spænska kappakstrinum. Í Austurríki átti Hamilton lélega ræsingu og í Mónakó var það illa tímasett þjónustuhlé sem kostaði hann nánast örugglega unna keppni.

Lauda kallaði Hamilton „ósigrandi“ ef hann gerði ekki mistök.

„Þessi misserin lýtur ekki út fyrir að hann verði sigraður hann stóð sig vel á æfingum og átti skínandi góða keppni og í augnablikinu er Lewis ósigrandi,“ sagði Lauda í samtali við BBC.

„Þessi keppni (í Belgíu) sannaði það enn og aftur að ef Lewis gerir ekki mistök í næstu keppnum verður baráttan erfið fyrir Nico,“ bætti Lauda við.

„Nico mun halda áfram að berjast og það gæti verið að Lewis muni gera smávægileg mistök í næstu keppnum og þá verður Nico mættur,“ hélt Lauda áfram.

Aðspurður hvort Hamilton hefði bætt sig eða Rosberg dalað sagði Lauda: „Lewis hefur bætt sig, það er engin sprning. Nico er að berjast á fullu en Lewis er kominn lengra og var ósigrandi hér (í Belgíu).“


Tengdar fréttir

FIA íhugar yfirbyggðan ökumannsklefa

Alþjóða akstursíþrótta sambandið FIA íhugar alvarlega að setja reglur um að allir ökumannsklefar verði yfirbyggðir. Rannsóknir hejast á ný í september.

Bílskúrinn: Baráttan í Belgíu

Lewis Hamilton er nú búinn að tryggja sér ráspólsbikar ársins. Óvæntir atburðir áttu sér stað í belgíska kappakstrinum.

Lewis Hamilton vann í Belgíu

Lewis Hamilton á Mercedes vann á Spa brautinni í Belgíu. Liðsfélagi hans Nico Rosberg varð annar og Romain Grosjean á Lotus varð þriðji.

Lewis Hamilton á ráspól í Belgíu

Lewis Hamilton á Mercedes náði ráspól í Belgíu. Liðsfélagi hans, Nico Rosberg varð annar og Valtteri Bottas á Williams þriðji.




Fleiri fréttir

Sjá meira


×