Landsliđsstjarna Noregs vonar ađ Lagerbäck herđi leikmenn

 
Fótbolti
12:30 14. MARS 2017
Lars Lagerbäck er nýr landsliđsţjálfari Noregs.
Lars Lagerbäck er nýr landsliđsţjálfari Noregs. VÍSIR/GETTY
Eiríkur Stefán Ásgeirson skrifar

Joshua King, sóknarmaður Bournemouth og norska landsliðsins, vonast til þess að Lars Lagerbäck takist að herða leikmenn norska landsliðsins. Það sé nauðsynlegt að gera.

Lagerbäck hefur áður látið hafa eftir sér í viðtölum eftir að hann tók við sem landsliðsþjálfari Noregs að leikmenn hafi haft það aðeins of gott í landsliðinu hingað til og séu aðeins of almennilegir við andstæðinga sína inni á vellinum.

„Ég vona að hann herði alla leikmenn. Það er hans hlutverk,“ sagði King í viðtali við Verdens Gang. Lagerbäck var sem kunnugt er landsliðsþjálfari Íslands en lét af störfum eftir EM í Frakklandi síðasta sumar.

„Hann ætti að vita hvað þarf til að gera það, annars hefði hann ekki sagt þetta. Ég vona að hann geti hert leikmennina því ég er sammála því að það þurfi að gera.“


Joshua King í leik međ Bournemouth.
Joshua King í leik međ Bournemouth. VÍSIR/GETTY

Sjálfur vill hann þó ekki segja hverjir hafi helst verið of afslappaðir í norska landsliðinu hingað til. En þyrfti hann sjálfur að láta aðeins herða sig?

„Tja, kannski er ég einn af þeim. En ég hef ekkert á móti því að fara eftir fyrirmælum þegar ég er hluti af heldinni. Þá er ég í vinnunni og ég geri það besta sem ég get fyrir liðið og fer eftir því sem þjálfarinn segir.“

Lagerbäck mun líklega velja sinn fyrsta landsliðshóp í dag en Noregur mætir Norður-Írlandi á útivelli um aðra heldi.

Norðmenn hafa tapað þremur af fyrstu fjórum leikjum sínum í undankeppninni og eru í næstneðsta sæti C-riðils með þrjú stig.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Landsliđsstjarna Noregs vonar ađ Lagerbäck herđi leikmenn
Fara efst