MIĐVIKUDAGUR 26. NÓVEMBER NÝJAST 23:45

Bjóđa upp á ţrívíddarprentun á kynlífstćkjum

LÍFIĐ

Lán AGS frestast um mánuđ

Innlent
22:20 30. JÚLÍ 2009
Franek Rozwadowski, fastafulltrúi AGS á Íslandi.
Franek Rozwadowski, fastafulltrúi AGS á Íslandi.
Hafsteinn Gunnar Hauksson skrifar:

Yfirvöldum hefur nú borist formleg staðfesting á því að framkvæmdastjórn Alþjóðagjaldeyrissjóðsins muni ekki taka fyrir endurskoðun efnahagsáætlunar Íslands áður en hún fer í tveggja vikna sumarleyfi þann 7. ágúst líkt og að var stefnt, að því er fram kemur í tilkynningu frá forsætisráðuneytinu.

Í tilkynningunni segir að þessi ákvörðun sé tekin þrátt fyrir að íslensk stjórnvöld hafi uppfyllt skilyrði fyrir endurskoðun efnahagsáætlunarinnar, meðal annars með áætlun í ríkisfjármálum, samningum við skilanefndir bankanna, áætlun um endurfjármögnun bankakerfisins og undirritun samninga vegna Icesave.

Sjóðurinn hefur staðreynt að fjármögnun efnahagsáætlunarinnar með greiðslum frá utanaðkomandi aðilum, meðal annars Norðurlöndunum, hafi ekki verið tryggð.

Umsamin norræn lán eru mikilvægur hluti efnahagsáætlunarinnar og verður aðgengi að þeim að vera að fullu tryggt áður en framkvæmdastjórn Alþjóða gjaldeyrissjóðsins telur sig geta gengið frá endurskoðun efnahagsáætlunarinnar.

Vonast er til að framkvæmdastjórnin geti tekið málefni Íslands til endurskoðunar í lok ágúst eða í byrjun september og þá berist annar hluti 2,1 milljarða Bandaríkjadala láns sjóðsins og fyrsti fjórðungur 2,5 milljarða dala láns Norðurlandanna til styrkingar gjaldeyrisvaraforða Seðlabanka Íslands.

Eins og fram kom á Vísi fyrr í dag átti næsti hluti lánsins, um 155 milljónir dala, að greiðast við fyrstu endurskoðun efnahagsáætlunarinnar í febrúar síðastliðnum. Síðan áttu 155 milljónir dala að berast í jöfnum greiðslum eftir það. Ísland hefur hins vegar ekki fengið krónu frá sjóðnum eftir að fyrsti hluti lánsins, 827 milljónir dala, var greiddur í nóvember á síðasta ári.

Blaðamannafundur verður haldinn um málið á morgun, en í tilkynningunni kemur fram að áætlun um mótun stefnu um gjaldeyrishöftin verði jafnframt kynnt á morgun.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Lán AGS frestast um mánuđ
Fara efst