Glamour

Kynþokkafulli fanginn gekk sinn fyrsta tískupall

Ritstjórn skrifar
Jeremy Meeks á vel heima í fyrirsætuheiminum.
Jeremy Meeks á vel heima í fyrirsætuheiminum. Mynd/GEtty
Þegar Jeremy Meeks endaði í fangelsi fyrir nokkrum árum þá var það fangamyndin af honum en ekki lögbrotin hans sem gerði allt vitlaust. Myndin, sem sjá má neðst í fréttinni, fór eins og eldur í sinu um internetið á sínum tíma enda er um að ræða mann með einstakt útlit. Nú hefur þessi ódauðlega ljósmynd af honum skilað honum sinni fyrstu tískusýningu.

Þegar hann losnaði úr fangelsi á seinasta ári náði hann nánast um leið að redda sér fyrirsætusamning. Í dag gekk hann tískupallinn fyrir bandaríska hönnuðinn Philipp Plein á tískuvikunni í New York. Það verður að teljast ansi stórst verkefni fyrir fyrirsætu sem er að stíga sín fyrstu skref í tískuheiminum. 

Það verður forvitnilegt að fylgjast með því hvort aðrir hönnuðir ráði Jeremy til sín í fleiri verkefni á næstunni. 

Jeremy sló í gegn á tískupallinum.Mynd/Getty
Þessi mynd var afar vinsæl á internetinu fyrir nokkrum árum.





×