LAUGARDAGUR 3. DESEMBER NÝJAST 21:45

Körfuboltakvöld: Stjarnan vinnur enga titla međ Austin innanborđs

SPORT

Kynferđisbrotamál í Grímsey

 
Innlent
13:04 15. JANÚAR 2015
Frá Grímsey en í sumar var kynferđisbrot til lögreglu, sem hún hefur ađ lokinni rannsókn sent máliđ áfram til ríkissaksóknara.
Frá Grímsey en í sumar var kynferđisbrot til lögreglu, sem hún hefur ađ lokinni rannsókn sent máliđ áfram til ríkissaksóknara.
skrifar

Daníel Guðjónsson yfirlögregluþjónn á Akureyri staðfestir, í samtali við Vísi, að upp hafi komið kynferðisbrotamál í Grímsey. „Lögreglan hafði eitt meint kynferðisbrot til rannsóknar. Í Grímsey. Þeirri rannsókn er lokið og málið er farið til ríkissaksóknara,“ segir Daníel.

Málið var kært til lögreglu í sumar, Daníel hefur ekki nákvæmar dagsetningar á því. Aðspurður hvort brotið væri gegn barni segir hann svo ekki vera, en spurning geti verið hvenær barn er barn.

Akureyri vikublað greindi frá máli af þessu tagi í vikunni en þar segir að það geti riðið baggamuninn hvað varðar framtíð „sjávarútvegs er að upp kom kynferðisbrot þar sem gerandi tengist útgerð í eynni.“ Akureyri vikublað hefur það svo eftir ónafngreindum heimamanni að sá maður eigi ekki afturkvæmt til Grímseyjar og ef heimamenn eða þeir sem vilja áfram útgerð í Grímsey hafi ekki burði til að kaupa kvóta „brotamannsins“ og halda í eynni gæti það haft mikil áhrif.

Daníel vill ekki tjá sig um þann fréttaflutning, að öðru leyti en því að honum þykir sérkennilegt að frásögn af þessu tagi sé sett í samhengi við atvinnuástandið í Grímsey. „Við staðfestum ekki skoðanir sem blaðamaður setur fram í véfréttastíl. Við erum ekki vanir að tjá okkur um eitthvað svona í fámenninu með þeim hætti að hægt sé að rekja til einhvers tiltekins einstaklings.“

Í Grímsey búa um 90 manns en aðalatvinnuvegur er fiskveiðar og fiskverkun. Vorið 2009 samþykktu íbúar Grímseyjar og Akureyrar með miklum meirihluta að sameina sveitarfélögin.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Kynferđisbrotamál í Grímsey
Fara efst