Kvennaliđ Selfoss fćr til sín landsliđskonu

 
Handbolti
21:12 04. JANÚAR 2016
Steinunn Hansdóttir (númer 2) ţakkar fyrir landsleik á móti Svartfjallalandi í Laugardalshöllinni.
Steinunn Hansdóttir (númer 2) ţakkar fyrir landsleik á móti Svartfjallalandi í Laugardalshöllinni. VÍSIR/ERNIR

Lið Selfoss í Olís-deild kvenna í handbolta fékk góðan liðstyrk í dag en landsliðskonan Steinunn Hansdóttir er komin til liðsins frá danska liðinu SönderjyskE.

Steinunn var á sínu fyrsta tímabili með SönderjyskE en lék áður með Skandeborg. Sunnlenska segir frá félagsskiptunum í kvöld og er með viðtal við nýjast leikmann Selfossliðsins.

„Ég var ekkert að fá mikið að spila í SønderjyskE þannig að ég tók þessa ákvörðun og fæ kannski að spila aðeins meira hérna á Selfossi. Þetta er í fyrsta sinn sem ég spila fyrir íslenskt lið, ég hef ekkert fylgst með íslensku deildinni en ég er bara mjög spennt fyrir að spila á Íslandi og sjá hvernig deildin er,“ sagði Steinunn í samtali við sunnlenska.is.

Steinunn er 21 árs gömul og spilar í vinstra horni. Hún hefur verið í kringum landsliðið undanfarið og á að baki 19 mörk í 13 landsleikjum.

Steinunn er ættuð frá selfossi eins og kemur fram í frétt um félagsskipti hennar á  sunnlenska.is en hefur búið í Danmörku frá fjögurra ára aldri.

Selfossliðið er í 7. sæti Olís-deildarinnar með átta sigra í þrettán leikjum en markahæsti leikmaður deildarinnar er hin öfluga Hrafnhildur Hanna Þrastardóttir sem skoraði 118 mörk í þessum 13 leikjum eða meira en tíu mörk í leik. Hrafnhildur Hanna er núna ekki lengur eina landsliðskonan í Selfossliðinu.

Selfoss er á heimavelli í fyrsta leik sínum á nýju ári en á laugardaginn kemur taka Steinunn og nýju liðsfélagar hennar á móti Haukum í Vallaskóla.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Handbolti / Kvennaliđ Selfoss fćr til sín landsliđskonu
Fara efst