Leikjavísir

Kvennalið mæta loks til leiks í FIFA 2016

Atli Ísleifsson skrifar
Hægt verður að stjórna bandaríska landsliðinu í FIFA 2016.
Hægt verður að stjórna bandaríska landsliðinu í FIFA 2016. Vísir/Getty
Tölvuleikurinn vinsæli, FIFA, mun loksins bjóða spilurum upp á að stjórna kvennaliðum í næstu útgáfu leiksins, FIFA 2016.

Fram til þessa hefur einungis staðið til boða að velja karlalið í tölvuleik EA Sports sem kom fyrst á markað 1993.

Kvennalið sem hægt verður að velja eru landslið Ástralíu, Bandaríkjanna, Brasilíu, Englands, Frakklands, Ítalíu, Kanada, Kína, Mexíkó, Spánar, Svíþjóðar og Þýskalands.

FIFA 2016 kemur á markað í Norður-Ameríku þann 22. september.

Í frétt BBC segir að hönnuðir leiksins hafi fengið bandarísku knattspyrnukonuna Abby Wambach til liðs við sig til að þróa dæmigerðar hreyfingar kvenna í knattspyrnu.






Fleiri fréttir

Sjá meira


×