Sport

Kveikti næstum því í jónu í beinni | Myndband

Henry Birgir Gunnarsson skrifar
Diaz með jónuna í kjaftinum.
Diaz með jónuna í kjaftinum.
UFC-kempan Nate Diaz hefur aldrei farið leynt með þá staðreynd að hann sé hasshaus og hann gaf sjónvarpsmönnum Fox-sjónvarpsstöðvarinnar næstum því hjartaáfall í gær.

Þá var haldið UFC-kvöld í Austin í Texas. Diaz var mættur þangað til þess að fylgjast með. Eins og gengur milli bardaga þá er verið að sýna fræga fólkið í salnum.

Er vélin kom á Diaz þá gerði hann sér lítið fyrir og reif upp jónu sem hann var með. Í kjölfarið kom kveikjarinn. Útsendingarstjóri Fox náði að skipta af Diaz áður en hann kveikti sér í jónunni í beinni og opinni sjónvarpsútsendingu.





Engu að síður hefur þetta athæfi Diaz vakið heimsathygli. Fólk hefur aðallega hlegið að þessari uppákomu en einhverjar hafa hneykslast á ábyrgðarleysinu í honum.

Diaz barðist í tvígang við Conor McGregor. Báðir bardagar voru frábærir. Diaz vann fyrri bardagann en Conor þann seinni. Sá bardagi fór fram í ágúst árið 2016 og Diaz hefur ekki barist síðar.

MMA



Fleiri fréttir

Sjá meira


×