SUNNUDAGUR 26. MARS NÝJAST 06:28

Sebastian Vettel vann í Ástralíu

SPORT

Kúrdar í Ţýskalandi létu Erdogan heyra ţađ

 
Erlent
08:49 19. MARS 2017
Margir mótmćlenda héldu á lofti merkjum stjórnmálahreyfingar Kúrda, PKK, sem barist hefur gegn tyrkneskum stjórnvöldum í áratugi og ţau átök kostađ tugi ţúsunda lífiđ.
Margir mótmćlenda héldu á lofti merkjum stjórnmálahreyfingar Kúrda, PKK, sem barist hefur gegn tyrkneskum stjórnvöldum í áratugi og ţau átök kostađ tugi ţúsunda lífiđ. VÍSIR/AFP

Um þrjátíu þúsund Kúrdar tóku þátt í mótmælum gegn Recep Erdogan Tyrklandsforseta í þýsku borginni Frankfurt í gær. Kallað var eftir auknu lýðræði í Tyrklandi og því að almenningur greiði atkvæði gegn því að völd forsetans verði aukin í komandi þjóðaratkvæðagreiðslu.

Andað hefur köldu á milli Tyrklands og Þýskalands frá því að Þjóðverjar neituðu tyrkneskum yfirvöldum um að fá að halda göngur í Þýskalandi til stuðnings Erdogan og ríkisstjórn hans. Erdogan hefur ausið fúkyrðum yfir Þýskaland og þýsk stjórnvöld síðan og bæði ásakað Þjóðverja um að hegða sér „eins og nasistar“ og Angelu Merkel Þýskalandskanslara um að „styðja hryðjuverkamenn.“

Hinn gríðarlega umdeildi Erdogan, sem hefur ríkt sem forseti eða forsætisráðherra Tyrklands í fjórtán ár, gæti fengið aukin völd yfir þinginu og dómstólum upp í hendurnar eftir þjóðaratkvæðagreiðsluna í næsta mánuði. Um það bil 1,4 milljónir Tyrkja í Þýskalandi geta þar greitt atkvæði.

Talsmaður lögreglunnar í Frankfurt segir að gangan í gær hafi farið friðsamlega fram. Margir mótmælenda héldu á lofti merkjum stjórnmálahreyfingar Kúrda, PKK, sem barist hefur gegn tyrkneskum stjórnvöldum í áratugi og þau átök kostað tugi þúsunda lífið. Bæði Evrópusambandið og Bandaríkin hafa skilgreint samtökin sem hryðjuverkasamtök.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Kúrdar í Ţýskalandi létu Erdogan heyra ţađ
Fara efst