Kröfu Seðlabankans um frávísun máls Más hafnað

Kröfu Seðlabanka Íslands, um að vísa frá máli Más Guðmundssonar gegn bankanum, var hafnað í Héraðsdómi Reykjavíkur klukkan þrjú í dag. Aðalmeðferð í máli Más gegn bankanum fer fram 14. september nk., að því er dómari ákvað við uppkvaðninguna í dag.

Már höfðaði málið gegn Seðlabankanum þar sem hann taldi á sér brotið, þar sem ekki var farið eftir launsamningum hans, sem hann gerði við bankann þegar hann réð sig til starfa, eftir að laun hans voru felld undir kjararáð í samræmi við stefnu stjórnvalda þar um.

Már var ósáttur við þetta og höfðar málið á þeim forsendum.