LAUGARDAGUR 30. JÚLÍ NÝJAST 23:39

Óvissir farţegar WOW kvarta undan skorti á upplýsingaflćđi

FRÉTTIR

Króatar burstuđu Makedóníu

 
Handbolti
21:01 21. JANÚAR 2016
Marino Maric skorar eitt af fimm mörkum sínum í kvöld.
Marino Maric skorar eitt af fimm mörkum sínum í kvöld. VÍSIR/EPA

Króatía vann Makedóníu, 34-24, í milliriðli eitt á Evrópumótinu í handbolta í kvöld, en fyrr í dag hafði Frakkland betur gegn Hvíta-Rússlandi.

Króatía var miklu betra liðið í leiknum og tók Makedóníumenn í kennslustund eins og þeir gerðu við íslenska landsliðið í lokaleik riðlakeppninnar.

Líkt og gegn Íslandi tók króatíska liðið afgerandi forskot strax í byrjun og var komð 7-1 yfir eftir tíu mínútna leik. Þeir voru sex mörkum yfir, 17-11, þegar 40 sekúndur voru til loka fyrri hálfleiks en Makedóníumenn skoruðu síðustu tvö mörkin og munurinn því fjögur mörk í hálfleik, 17-13.

Í stöðunni 24-16 á 39. mínútu fékk Domadoj Duvnjak, leikstjórnandi Króatíu, tveggja mínútna brottrekstur. Makedónska liðið nýtti sér það, skoraði tvö mörk í röð og minnkaði muninn í sex mörk, 24-18.

Endurkoma Makedóníu var svo sannarlega ekki í kortunum því þegar Duvnjak kom aftur inn á skoraði Króatía fjögur mörk í röð og náði tíu marka forskoti, 28-18. Eftir það var augljóslega ekki aftur snúið hjá Makedóníu.

Liðin skiptust á að skora það sem eftir lifði leiks en Króatía vann á endanum afskaplega sannfærandi sigur, 34-24, þar sem varnarleikur þess var frábær.

Ivan Sliskovic skoraði sex mörk úr sex skotum fyrir Króatíu en Manuel Strlek var kjörinn maður leiksins með fimm mörk úr fimm skotum. Hjá Makedóníu skoraði Dejan Manaskov sjö mörk úr sjö skotum.

Króatía er nú með fjögur stig í milliriðli eitt líkt og Frakkland, Noregur og Pólland, en þau tvö síðastnefndu mætast á morgun.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Handbolti / Króatar burstuđu Makedóníu
Fara efst